اقتوتى رايىمقۇلوۆا، ديماش قۇدايبەرگەن: گونورار تولەۋ ءۇشىن ءان اۆتورلارى ىزدەستىرىلۋدە
اتالعان قوعامنىڭ رەسمي سايتىندا 2021-جىلدىڭ 1- شىلدەسىندە، ياعني ءبىر جىل بۇرىن جاريالانعان تىزىمدە ەلىمىزگە بەلگىلى انشىلەر، اقىندار، جازۋشىلار، سۋرەتشىلەر بار.
ماسەلەن، گونورار تولەۋ ءۇشىن ىزدەۋ جاريالانعان تىزىمنەن نۇرسۇلتان نازاربايەۆ، ءىلياس وماروۆ، جانار دۇعالوۆا، مارجان اراپبايەۆا، ديماش قۇدايبەرگەن، ايگۇل مۇكەي، مۇحتار قۇل-مۇحاممەد، گاۋھار الىمبەكوۆا، جولبارىس سەيفۋللين، قۇرماش ماقانوۆ، ەربولات قۇدايبەرگەنوۆ، قانات ايتبايەۆ، اقتوتى رايىمقۇلوۆا، ءجۇرسىن ەرمان، ءالي وقاپوۆ، قالقامان سارين، ولجاس سۇلەيمەنوۆ سىندى تانىمال ازاماتتاردى كورۋگە بولادى.
اۆتورلار ءوز سىياقىسىن اي سايىن قوعامعا كەلىپ الىپ تۇرادى نەمەسە جينالعان سوما اۋىق-اۋىق اۆتوردىڭ بانكتەگى ەسەپشوتىنا ياكي كارتوچكالارىنا اۋدارىلادى.
وزگە ايماقتاعى وتاندىق اۆتورلار سىياقىسى بانكتەگى ەسەپشوتتارىنا اۋدارىلادى نەمەسە پوشتا ارقىلى جىبەرىلەدى.
قازاق-تىڭ نەگىزگى اتقاراتىن قىزمەتى - اۆتورلاردىڭ مۇلىكتىك قۇقىعىن باسقارۋ، ياعني اۆتورلاردىڭ اتىنان ولاردىڭ تۋىندىلارىن پايدالانۋعا رۇقسات بەرۋ، اۆتورلىق سىياقىلارىن جيناۋ، جينالعان سىياقىنى ءبولۋ جانە تولەۋ.
سونىمەن قاتار قازاق اۆتورلاردىڭ شاعىمى بويىنشا، سونداي-اق ءوز باستاماسىمەن دە اۆتورلاردىڭ بۇزىلعان قۇقىعى ءۇشىن سوتقا جۇگىنىپ، وتەماقى تالاپ ەتەدى. قازاق اۆتورلار (قۇقىق يەلەرى) وزدەرىنىڭ مۇلىكتىك قۇقىعىن باقىلاۋدى ولاردىڭ وزدەرى تىكەلەي جۇزەگە اسىرا المايتىن جاعدايدا (جاريا ورىنداۋ، س. ءى. تەلەارنالار مەن راديودا، تۋىندىلاردى مەحانيكالىق جازبا ياكي ماگنيتتىك جازبا جولىىمەن قايتا شىعارۋدا، ت. ب.) ۇجىمدىق نەگىزدە باسقارادى.
اۆتورلارعا تيەسىلى سىياقىنى /قالاماقىنى/ ەسەپتەپ ءبولۋ جانە بەرۋ جۇمىسىن قوعامنىڭ ەسەپ-قيساپ ءبولىمى اتقارادى.
اۆتورلار مەن ولاردىڭ مۇراگەرلەرىنە سىياقى ەسەپتەۋ قازاق- تىڭ اۋماقتىق تەكسەرۋشى- ۋاكىلدەرىنەن كەلىپ تۇسەتىن باعدارلاما-مالىمدەمەلەردەگى مالىمەتتەر بويىنشا جۇرگىزىلەدى. قوعام ەسەپشوتىنا پايدالانۋشىلار اۋدارعان سىياقى ءاربىر اۆتور تۋىندىسىنىڭ جانرىنا، ورىندالۋ جيىلىگى مەن قاي سالادا ورىندالعانىنا وراي بەلگىلەنگەن پاي مولشەرى بويىنشا بولىنەدى.
