جاس سارباز الىبەك قالبايدىڭ ءولىمى: ەكى اسكەري شەندى قىزمەتتەن قۋىلدى
«2022 -جىلدىڭ باسىندا قازاقستان رەسپۋبليكاسى قارۋلى كۇشتەرىندە مەرزىمدى قىزمەتتەگى اسكەري قىزمەتشى، قاتارداعى جاۋىنگەر ءا. س. قالباي قايتىس بولدى. بۇل رەتتە، جەكە قۇرامدى جەتكىلىكسىز باقىلاۋ جانە 30212 اسكەري ءبولىمىنىڭ لاۋازىمدى تۇلعالارى تاراپىنان جۇمىستاعى ولقىلىقتار فاكتىسى بويىنشا قورعانىس ءمينيسترىنىڭ تاپسىرماسى بويىنشا قىزمەتتىك تەرگەۋ جۇرگىزىلدى. ناتيجەسىندە 30212 اسكەري ءبولىمىنىڭ كومانديرى جانە وسى ءبولىمنىڭ وقۋ روتاسىنىڭ كومانديرى لاۋازىمىنان شەتتەتىلدى»، - دەگەن جاۋاپ بەرىلدى مينيسترلىكتەن قازاقپارات ساۋالىنا.
ودان بولەك، سارباز ولىمىنە بايلانىستى اتالعان اسكەري ءبولىمنىڭ تاعى 3 لاۋازىمدى تۇلعاسى قاتاڭ تارتىپتىك جاۋاپكەرشىلىككە تارتىلعان. سونداي- اق قورعانىس مينيسترلىگى الىبەك قالبايدىڭ ولىمىنە قاتىستى تەرگەۋ شاراسىنىڭ جالعاسىپ جاتقانىن حابارلادى.
«30212 اسكەري ءبولىمىنىڭ كادر قۇرامىنىڭ ساپاسىن ارتتىرۋ ماقساتىندا قاناعاتتانارلىقسىز ناتيجە كورسەتكەن لاۋازىمدى تۇلعالارعا قاتىستى ۇيىمداستىرۋ- كادر سيپاتىنداعى شارالاردى ىسكە اسىرا وتىرىپ، 1 اي مەرزىمدە وفيتسەرلىك جانە سەرجانتتىق قۇرامدى اتتەستاتتاۋدان وتكىزۋ تۋرالى شەشىم قابىلداندى. اتتەستاتتاۋدان كەيىن بوساعان لاۋازىمدى ورىندارعا كادر جيناۋ ءۇشىن ىرىكتەۋ جۇرەدى»، - دەيدى ۆەدومستۆودان.
ەسكە سالا كەتەيىك، بيىل 22- ساۋىردە الىبەك قالباي جامبىل وبلىسىندا گۆاردەيسك اسكەري قالاشىعىنداعى گوسپيتالدە مەرزىمدى اسكەري قىزمەتكە شاقىرىلعان سارباز كوز جۇمدى. پرەزيدەنت قاسىم- جومارت توقايەۆ اسكەردە قازا تاپقان ساربازدىڭ وتباسىنا كوڭىل ايتىپ، ءىستىڭ سەبەبىن انىقتاۋدى تاپسىردى. ودان بولەك، قورعانىس مينيسترلىگىنەن الىبەك قالبايدىڭ وتباسىنا قارجىلاي كومەك كورسەتىلەتىنى ايتىلدى.
فوتو: inaktau.kz
اۆتور داۋلەت ىزتىلەۋ
