فرانسيادا كوۆيدكە قارسى توتەنشە جاعداي رەجيمى اياقتالدى

نۇر- سۇلتان. قازاقپارات - فرانسيادا كوروناۆيرۋسقا بايلانىستى 2 جىلعا سوزىلعان توتەنشە جاعداي رەجيمى اياقتالدى. قازىر بۇل ەلدە ىندەت قايتا ءورشىپ تۇرسا دا، ۆاكسينالاۋ كۋالىگىن تالاپ ەتۋ توقتاتىلدى.

ءتيىستى زاڭدى ۇلتتىق اسسامبلەيا قابىلدادى. توتەنشە جاعداي بيلىككە لوكداۋن، كومەندانتتىق ساعات جاريالاۋعا، ۆاكسينالاۋدى مىندەتتەۋگە مۇمكىندىك بەرگەن ەدى. بۇدان بىلاي مەديتسينالىق مەكەمەلەردە بەتپەردە تاعۋ تالابى عانا كۇشىندە بولادى. شەكارادان وتكەندە دە ەشقانداي سانيتارلىق قۇجات سۇرالمايدى.

انتۋان لەمان، ۇلتتىق اسسامبلەيا دەپۋتاتى:

- ۆاكسينالاۋ كۋالىگى ۆيرۋسقا قارسى كۇرەستە دىم پايدالى بولعان جوق. تەك تەستى عانا تيىمدىلىگىن دالەلدەدى. سوندىقتان ءجۇرىپ تۇرۋ ءۇشىن ۆاكسينالاۋ كۋالىگىن كورسەتۋ تالاپ ەتىلمەيدى. بۇل تاماشا جاڭالىق.

www.24.kz