كورەيادا زەينەتكە شىققاننان كەيىن جاڭا ءومىر باستالادى
تۇرعىندار جىلىنا 1 رەت مەديتسينالىق دياگنوستيكادان وتەدى. مىنە، سونىڭ ارقاسىندا قارت ادامدار زەينەتكە شىققاننان كەيىن بەلسەندى ءومىر سۇرە الادى. ەلدە ءومىر ءسۇرۋ ۇزاقتىعى ارتىپ كەلەدى. 51 ميلليون تۇرىعىنى بار كورەيادا جاسى جۇزدەن اسقان 8 جارىم مىڭداي ادام بار.
ادەمى قارتايۋ دا ءبىر باقىت. بۇل مودەلدىڭ جاسىن بولجاۋدىڭ ءوزى قيىن. كۆون سۋن مۋن 70 جاستان استى. ونىڭ ءۇش قىزى ەسەيىپ كەتكەن. كۇيەۋى زەينەتكەر. سوندىقتان سۋن مۋن بوس ۋاقىتتى پايدالانىپ، پوديۋمعا شىعۋدى ءجون كوردى. زەينەتكەر دەنە ءبىتىمىن ساقتاۋدىڭ قۇپياسىن ءبولىستى.
كۆون سۋن مۋن، مودەل:
- قازاق ايەلدەرىن تەلەديداردان تالاي رەت كوردىم، وتە ادەمى. ءبىراق ولارعا بەلسەندىلىك جەتىسپەيتىن سياقتى. مەن تابيعات اياسىندا بولعاندى جانە تاۋعا شىققاندى جاقسى كورەمىن. ەگدە ادامدار كوپ قيمىلداۋ كەرەك. سوندىقتان مەن ۆەلوسيپەدپەن جۇرەمىن. ديەتا ۇستانبايمىن، ءبارىن جەيمىن، ءبىراق از- ازدان كۇنىنە 3-4 رەت. كەشكى التىدان كەيىن تاماق ىشپەيمىن.
ال مىنا اقساقال 71 جاستا. لي سان حوننىڭ 2 قىزى مەن 4 نەمەرەسى بار. ول ءسان الەمىنە 3 جىل بۇرىن بەت بۇرعان. زەينەتكە دەيىن ويىنشىق شىعاراتىن كومپانيانى باسقارعان. بەلسەندى قاريا تىڭ بولۋدىڭ ءتيىمدى جولىن ايتتى.
لي سان حون، مودەل:
- سىمباتتى بولۋدىڭ قۇپياسى تاۋدا ءجيى سەرۋەندەپ، جامان ادەتتەن ادا بولۋ. مەن ءدارى- دارمەك ىشپەيمىن. كوبىنەسە كوكونىس جەيمىن، ال ەت اپتاسىنا ەكى رەت عانا. ەگدە جاستاعى مودەلدەر ءۇشىن تابىس ماڭىزدى ەمەس. بۇل ولار ءۇشىن ءبىر سەرپىلىپ، كوڭىل كوتەرەتىن جەر. ال ءسان كورسەتىلىمىنەن تۇسكەن قاراجات جالعىز باستى انالارعا كومەككە جۇمسالادى.
www.24.kz
