جاپونيا حالقى سيندزو ابەنىڭ جەرلەۋ ءراسىمىن مەملەكەتتىك دەڭگەيدە وتكىزۋگە قارسى

توكيو. قازاقپارات - جاپونيا حالقىنىڭ كوبى بۇرىنعى پرەمەر- مينيستر سيندزو ابەنىڭ جەرلەۋ ءراسىمىن مەملەكەتتىك دەڭگەيدە وتكىزۋگە قارسى.

بۇل تۇجىرىم اتالعان ەلدىڭ Kyodo باس اقپارات اگەنتتىگى جۇگىزگەن ساۋالناما ناتيجەسىندە جاسالعان، دەپ حابارلايدى قازاقپارات ءتىلشىسى ت ا س س اگەنتتىگىنە سىلتەمە جاساپ.

ساۋالناما قورىتىندىسىنا سايكەس، تۇرعىنداردىڭ 53,3 پايىزى سيندزو ابەنىڭ جەرلەۋ ءراسىمىن مەملەكەتتىك دەڭگەيدە وتكىزۋگە قارسى. ال، 45,1 پايىزى بۇعان قولداۋ كورسەتكەن. تاعى 61,9 پايىز حالىق بۇل ماسەلە بويىنشا پارلامەنتتە ارنايى تىڭداۋ وتكىزۋ قاجەت دەگەن پىكىر بىلدىرگەن.

ەسكە سالايىق، 27- قىركۇيەكتە جاپونيا ۇكىمەتى بۇرىنعى پرەمەر- ءمينيستردىڭ جەرلەۋ ءراسىمىن مەملەكەتتىك دارەجەدە وتكىزۋ تۋرالى شەشىم قابىلدادى. وعان كوپتەگەن شەتەلدىك دەلەگاتسيالار، مەملەكەت باسشىلارى كەلەدى دەپ جوسپارلانعان. جەرلەۋ ءراسىمى توكيوداعى يمپەراتور سارايىنىڭ جانىنداعى بۋدوكان ارەناسىندا وتەدى.

ال، 12- شىلدەدە توكيوداعى دزودزەدجي عيباداتحاناسىندا وتباسى مۇشەلەرى، جاقىن دوستارى مەن سەرىكتەستەرى ءۇشىن بۋددا داستۇرىمەن جەرلەۋ ءراسىمى وتكەن ەدى. ايتا كەتەيىك، 8- شىلدەدە جاپونيانىڭ بۇرىنعى پرەمەر- ءمينيسترى سيندزو ابەگە قاستاندىق جاسالىپ، سالدارىنان ساياساتكەر كوز جۇمدى .

فوتو: Yoshio Tsunoda/Global Look Press ۇ

اۆتور ءاليحان اسقار