قازاقستاننىڭ باسىم بولىگىندە جاۋىن- شاشىن بولادى
بەلسەندى وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىكتەر بۇرىنعىسىنشا قازاقستاننىڭ بۇكىل اۋماعىنا ءوز اسەرىن تيگىزەدى.
وسىعان بايلانىستى سولتۇستىك- باتىستا، سولتۇستىكتە، ورتالىقتا، وڭتۇستىك پەن وڭتۇستىك- شىعىستىڭ تاۋلى اۋداندارىندا قاتتى جاڭبىر، بۇرشاق، داۋىل كۇتىلەدى.
كۇن كۇركىرەيدى، جەل كۇشەيەدى. اقمولا وبلىسىنىڭ سولتۇستىك جارتىسىندا، پاۆلودار وبلىسىنىڭ سولتۇستىگىندە، باتىسىندا، تۇندە قوستاناي وبلىسىنىڭ شىعىسىندا، كۇندىز قاراعاندى وبلىسىنىڭ سولتۇستىگىندە، شىعىسىندا، جامبىل وبلىسىنىڭ تاۋلى اۋداندارىندا، كۇندىز جەتىسۋ، تۇركىستان، كۇندىز الماتى وبلىسىنىڭ تاۋلى اۋداندارىندا قاتتى جاڭبىر كۇتىلەدى.
تۇركىستان، قىزىلوردا، جامبىل، جەتىسۋ، الماتى وبلىستارىنىڭ باسىم بولىگىندە، اباي وبلىستارىنىڭ وڭتۇستىگىندە توتەنشە ءورت ءقاۋپى ساقتالادى. كۇندىز اباي وبلىسىنىڭ باسىم بولىگىندە، شىعىس قازاقستان وبلىسىنىڭ وڭتۇستىگىندە قاتتى ىستىق كۇتىلەدى.
نۇر-سۇلتان ق: بۇلتتى، كەي ۋاقىتتا جاڭبىر جاۋادى، نايزاعاي، كۇندىز بۇرشاق كۇتىلەدى. سولتۇستىك- شىعىستان جەل سوعادى، كۇشى -9-14 م/س. اۋانىڭ تەمپەراتۋراسى تۇندە +14+16°س، كۇندىز +22+24°س گرادۋس بولادى.
الماتى ق: كوشپەلى بۇلتتى، كەي ۋاقىتتا جاڭبىر، نايزاعاي. جەل سولتۇستىك- باتىستان سوعادى، كۇشى 3-8، نايزاعاي كەزىندە ەكپىنى 13 م/س. اۋانىڭ تەمپەراتۋراسى تۇندە +20+22°س، كۇندىز +28+30°س بولادى.
شىمكەنت ق: كوشپەلى بۇلتتى، جاۋىن- شاشىنسىز. سولتۇستىك- باتىستان جەل سوعادى، كۇشى 8-13 م/س.
اۋانىڭ تەمپەراتۋراسى تۇندە +20+22°س، كۇندىز +32+34°س بولادى.
