10:45, 30 - شىلدە 2022 | GMT +5
قازاقستاننىڭ فۋتبول كلۋبتارى ەۋروكۋبوكتاردا قانشا تابىس تاپتى
نۇر-سۇلتان. قازاقپارات - قازاقستاندىق ەكى كلۋب - «توبىل» جانە « قىزىلجار» كونفەرەنسيا ليگاسىنىڭ ءۇشىنشى ىرىكتەۋ كەزەڭىنە ءوتىپ، ءوز بيۋدجەتتەرىن ايتارلىقتاي تولىقتىرىپ الدى، دەپ حابارلايدى قازاقپارات Sports.kz پورتالىنا سىلتەمە جاساپ.
باستاپقىدا «توبىل» چەمپيوندار ليگاسىنىڭ ءبىرىنشى ىرىكتەۋ كەزەڭىنە قاتىسقانى ءۇشىن 285 مىڭ دوللار العان بولاتىن.
ەندىگىدە، قوستانايدىڭ اتالعان كلۋبى كونفەرەنسيا ليگاسىنىڭ ءۇشىنشى كەزەڭىنەن شىعىپ قالسا دا، كەپىلدى تۇردە 560 مىڭ دوللار الادى.
«قىزىلجارعا» كەلسەك، كونفەرەنسيا ليگاسىنىڭ ءۇشىنشى كەزەڭىنە قاتىسقانى ءۇشىن پەتروپاۆلدىق كلۋب تا 560 مىڭ دوللار الادى. ال ەۋروكۋبوكتاردا ونەر كورسەتۋىن اياقتاعان «استانا» مەن «قايرات» كونفەرەنتسيا ليگاسىنىڭ ەكىنشى كەزەڭىندە 356 مىڭ دوللاردان تابىس تاپتى.
وسىلايشا، وسى ۋاقىتتا قازاقستاندىق كلۋبتاردىڭ ەۋروكۋبوكتارداعى تابىسى 2117000 دوللاردى قۇراپ وتىر. بۇل سوماعا ماۋسىم اياقتالعان سوڭ ماركەتينگىلىك جانە تەلەقۇقىقتاردىڭ ساتىلىمىنان تۇسكەن پروتسەنتتەر قوسىلادى.
