گرۋزيادا قۇتقارۋشىلار تىكۇشاعى اپاتقا ۇشىرادى: ەلدە قارالى كۇن جاريالاندى
29-شىلدە كۇنى گۋداۋري تاۋلارىنا قۇلاعان پاراپلانەريستەردى قۇتقارۋ وپەراتسياسى كەزىندە گرۋزيا ىشكى ىستەر مينيسترلىگىنىڭ شەكارا پوليتسياسىنا تيەسىلى مي-8 تىكۇشاعى اپاتقا ۇشىراپ، جارىلدى. تىكۇشاق كۇننىڭ ەكىنشى جارتىسىندا تبيليسيدەن گۋداۋريگە ۇشىپ شىققان. ماقساتى دەنساۋلىق ساقتاۋ مينيسترلىگىنىڭ شۇعىل كومەك ورتالىعىنىڭ دارىگەرلەرىن جانە ىشكى ىستەر مينيسترلىگىنىڭ توتەنشە جاعدايلار باسقارماسىنىڭ قۇتقارۋشىلارىن وقيعا ورنىنا جەتكىزۋ بولعان.
مانەۆر كەزىندە تىكۇشاقتىڭ ارتقى بولىگى تاۋعا ءتيىپ كەتكەن. بۇل ارتقى پروپەللەردىڭ بۇزىلۋىنا الىپ كەلگەن. بۇدان ءارى ۇشقىش باسقارۋعا يە بولا الماي، تىكۇشاق قۇلاي باستاعان. تاۋعا كەزەكتى رەت سوعىلعان ترانسپورت جارىلىپ، قالدىعى جارعا قۇلادى. وقيعا سالدارىنان 8 ادام قازا بولدى: ەكيپاج كومانديرى، 3 ۇشقىش، 2 دارىگەر جانە 2 قۇتقارۋشى. گرۋزيادا بۇگىن ازا تۇتۋ كۇنى جاريالاندى.
