رەيس كەشىككەن كەزدە تيىسىنشە قىزمەت كورسەتپەگەن اۆياكومپانيالار جاۋاپقا تارتىلدى

نۇر-سۇلتان. قازاقپارات - ازاماتتىق اۆياتسيا كوميتەتى «قازاقستاننىڭ اۆياتسيا اكىمشىلىگى» ا ق- مەن بىرلەسىپ كوپتەگەن رەيستەردىڭ كەشىگۋىنە جانە جولاۋشىلاردان تۇسكەن شاعىمدارعا بايلانىستى تەكسەرۋلەردى جالعاستىرىپ جاتىر، دەپ حابارلايدى قازاقپارات.

«تەرگەۋ بارىسىندا بيىلعى 5- ماۋسىمدا «ەير استانا» كومپانيالار توبىنا كىرەتىن Fly Arystan اۋەتاسىمالداۋشىسىنىڭ الماتى - شىمكەنت باعىتى بويىنشا ك س-7105 رەيسى 15 ساعات 10 مينۋتقا كەشىككەنى انىقتالدى. وسى رەيستىڭ جولاۋشىلارىنا ۇشۋدى كۇتۋ كەزىندە «ق ر اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭنىڭ 86-بابىنىڭ 1-بولىگىندە كوزدەلگەن قىزمەتتەر، اتاپ ايتقاندا قوناق ۇيگە ورنالاستىرۋ قىزمەتى دۇرىس دەڭگەيدە كورسەتىلمەگەن. وسىعان بايلانىستى، 28- شىلدەدە اۆياكومپانياعا قاتىستى ق ر اكىمشىلىك قۇقىق بۇزۋشىلىق تۋرالى كودەكسى 567-بابىنىڭ 2-بولىگىمەن حاتتاما تولتىرىلىپ، وعان سايكەس اۆياكومپانياعا 1000 ا ە ك (3000063 تەڭگە) كولەمىندە ايىپپۇل سالىندى»، - دەپ مالىمدەيدى يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنەن.

بۇعان دەيىن «ەير استانا» كومپانيالار توبى اعىمداعى جىلدىڭ 7- جانە 21- شىلدەسىندە رەيستى كەشىكتىرۋ كەزىندە جولاۋشىلاردىڭ قۇقىقتارىن بۇزعانى ءۇشىن 1000 ا ە ك (3000063 تەڭگە) كولەمىندە ايىپپۇل تۇرىندە اكىمشىلىك جاۋاپكەرشىلىككە تارتىلدى.

«جالپى، بيىل «ەير استانا» كومپانيالار توبى رەيستىڭ كەشىگۋى كەزىندە جولاۋشىلاردىڭ قۇقىقتارىن بۇزعانى ءۇشىن 9189000 تەڭگە كولەمىندە اكىمشىلىك جاۋاپكەرشىلىككە تارتىلدى»، - دەپ تولىقتىرادى ۆەدومستۆودان.

قازىرگى ۋاقىتتا رەيستىڭ كەشىگۋىنە جانە جولاۋشىلار قۇقىقتارىنىڭ بۇزىلۋىنا بايلانىستى تەرگەۋ جالعاسىپ جاتىر.

قۇقىق بۇزۋشىلىق فاكتىلەرى انىقتالعان جاعدايدا تاسىمالداۋشىلار قازاقستان رەسپۋبليكاسىنىڭ قولدانىستاعى زاڭناماسىنا سايكەس جاۋاپكەرشىلىككە تارتىلادى.