قازاقستاندا حالىققا تولەنەتىن الەۋمەتتىك تولەمدەر قالاي ەسەپتەلەدى

نۇر- سۇلتان. قازاقپارات - ەلىمىزدە كەز كەلگەن الەۋمەتتىك تولەمدى تاعايىنداعان كەزدە ازاماتتىڭ بۇعان دەيىنگى جانە قازىرگى تابىس كولەمى ەسكەرىلەدى، دەپ حابارلايدى قازاقپارات ءتىلشىسى.

«الەۋمەتتىك تولەمدەردىڭ مولشەرى ازاماتتاردىڭ ورتاشا ايلىق جالاقىسىنا جانە جۇيەگە قاتىسۋ وتىلىنە بايلانىستى. بيىل ءبىرىنشى جارتىجىلدىقتا جۇكتىلىككە بايلانىستى بەرىلەتىن تولەمنىڭ ورتاشا كولەمى 694 مىڭ تەڭگەنى قۇرادى. ءبىر جاسقا دەيىنگى بالا كۇتىمىنە ارنالعان تولەمنىڭ ورتاشا مولشەرى - 41 مىڭ تەڭگە. اسىراۋشىسىنان ايرىلۋىنا بايلانىستى تولەم سوماسى شامامەن - 38 مىڭ تەڭگە، ال ەڭبەككە قابىلەتىنەن ايرىلعان جاعدايدا تاعايىندالاتىن تولەم - شامامەن 37 مىڭ تەڭگە»، - دەدى مەملەكەتتىك الەۋمەتتىك ساقتاندىرۋ قورى ا ق باس ديرەكتورى نۇرسۇلۋ كەمەل و ك ق- دا وتكەن بريفينگ بارىسىندا.

سونداي- اق، جۇمىسسىز قالعان قازاقستاندىقتار ورتا ەسەپپەن 41 مىڭ تەڭگە الەۋمەتتىك تولەم الادى. ودان بولەك، قور باسشىسى 150 مىڭ تەڭگە جالاقى الاتىن ادام بالا كۇتىمىنە بايلانىستى قانداي كولەمدە تولەم الاتىنىن ەسەپتەپ بەردى.

«ەگەر ورتاشا جالاقى 150 مىڭ تەڭگە بولسا، ونىڭ % 40 دەگەنىمىز - 60 مىڭ تەڭگە. ياعني، بالا كۇتىمىنە بايلانىستى 60 مىڭ تەڭگە الەۋمەتتىك تولەم تاعايىندالادى»، - دەيدى ول.

فوتو: mapletreemedia.com

اۆتور داۋلەت ىزتىلەۋ