12:27, 29 - شىلدە 2022 | GMT +5
الماتىدا بەلگىسىز بىرەۋ بويجەتكەندى زورلاماق بولدى
الماتى. قازاقپارات- الماتى پوليتسياسى 29- شىلدەگە قاراعان ءتۇنى جەكە سەكتوردا تىركەلگەن زورلاۋعا ارەكەتتەنۋ دەرەگىن تەرگەپ جاتىر، دەپ حابارلايدى قازاقپارات ءتىلشىسى.
ونىڭ ۆيدەوسى الەۋمەتتىك جەلىدە تارادى. بەينەجازبادان قىز كولىكتى توقتاتىپ، جۇرگىزۋشىدەن قۇتقارۋىن سۇراعانىن كورۋگە بولادى. سونىمەن قاتار، ۆيدەودا قىزدىڭ ارتىنان قۋىپ كەلە جاتقان ەر ادام بايقالادى.
الماتى پوليتسيا دەپارتامەنتى 2000 -جىلى تۋعان ب- نى زورلاۋعا ارەكەتتەنۋ دەرەگىن جەتىسۋ اۋداندىق پوليتسيا باسقارماسىنىڭ قىزمەتكەرلەرى انىقتاپ جاتقانىن ءمالىم ەتتى.
«جابىرلەنۋشى قىز وقيعادان ءبىراز ۋاقىت بۇرىن الكوگولدىك ىشىمدىك ىشكەن تانىستارىنىڭ بىرىنەن كۇدىكتەنەدى. وقيعانىڭ ءمان- جايى انىقتالىپ جاتىر. تەرگەۋ توبى قۇرىلدى. تەرگەۋ بارىسى الماتى قالالىق پوليتسيا دەپارتامەنتى باسشىلىعىنىڭ باقىلاۋىندا»، - دەپ حابارلادى الماتى قالالىق پ د باسپا ءسوز قىزمەتى.
اۆتور الما مۇقانوۆا
