بىرىككەن اراب امىرلىكتەرىندە تولاسسىز جاۋعان جاڭبىر رەكوردتىق مولشەرگە جەتتى
ۇلتتىق مەتەورولوگيا ورتالىعىنىڭ مالىمەتىنشە، نوسەر مەن جاڭبىر ەل تاريحىنداعى ەڭ ۇلكەن سۋ تاسقىنىنا اكەلدى. بەيسەنبىدە فۋدجەيرا پورت ستانسياسىندا 255,2 م م جاۋىن- شاشىن تىركەلگەن، بۇل شىلدە ايىندا ب ا ءا ءۇشىن ەڭ جوعارى كورسەتكىش. جاۋىن- شاشىننىڭ مولشەرى بويىنشا ەكىنشى كورسەتكىش - 209,7 م م ب ا ءا- ءنىڭ سولتۇستىك- شىعىسىنداعى راس- ال- حايما امىرلىگىندە ورنالاسقان ماسافي قالاسىندا تىركەلدى. ءۇشىنشىسى - فۋدجەيرا اۋەجايىندا جاۋىن- شاشىن مولشەرى 187,9 م م- گە جەتتى.
فۋدجەيرا پوليتسياسى سۋ تاسقىنى سالدارىنان زارداپ شەككەندەر تۋرالى ەشقانداي حابارلاما تۇسپەگەنىن، تەك عيماراتتار مەن كولىكتەرگە زيان كەلگەنىن حابارلادى. ب ا ءا ۆيتسە- پرەزيدەنتى شەيح مۇحاممەد بين راشيد دۋبايداعى قۇتقارۋ توپتارىنا فۋدجەيرا امىرلىگىندە، سونداي- اق قاتتى جاڭبىردان زارداپ شەككەن ەلدىڭ شىعىس ايماقتارىندا قۇتقارۋ جۇمىستارىنا كومەك كورسەتۋدى تاپسىردى. ەل ۇكىمەتى بەيسەنبى مەن جۇمادا قاشىقتان جۇمىس ىستەۋگە كوشۋ تۋرالى جارلىق شىعاردى.
فوتو: www.khaleejtimes.com
اۆتور اقبوپە ءابدراسۋل
