قازاقستاندا قىركۇيەكتە تەننيستەن بىرنەشە حالىقارالىق جارىس وتەدى
قازاقستان تەننيس فەدەراتسياسىنان ءمالىم ەتكەنىندەي، 3-19- قىركۇيەك ارالىعىندا شىمكەنتتە ATF سەرياسى بويىنشا ەڭ جوعارى ا ساناتىمەن ەكى جانە 14 جاسقا دەيىنگىلەر اراسىندا ءبىرىنشى ساناتتاعى جارىس بولادى.
الماتى قالاسىندا سول مەرزىمدە Tennis Europe سەرياسى بويىنشا 14 جاسقا دەيىنگىلەر اراسىندا تاعى ەكى دودا ۇيىمداستىرىلماقشى.
بۇل تۋرنيرلەردىڭ ەرەكشەلىگى - ءار قاتىسۋشى كەمىندە بەس ماتچ وتكىزەدى. بۇل ويىنشىنىڭ شەبەرلىگىن ۇشتاۋ ءۇشىن ماڭىزدى.
«وسىنداي دەڭگەيدەگى جارىستاردى سەنىپ تاپسىرعانى ءۇشىن ازيا تەننيس فەدەراتسياسى مەن Tennis Europe قاۋىمداستىعىنا العىسىمدى بىلدىرەمىن. تۋرنيرلەردى جوعارى دەڭگەيدە وتكىزۋ ءۇشىن بار كۇشىمىزدى سالامىز. قاتىسۋشىلاردىڭ تاماعى مەن جاتاتىن ورنى ۇيىمداستىرۋشىلار ەسەبىنەن تولەنەدى»، - دەدى فەدەراتسيانىڭ 10-14 جاستاعى ويىنشىلاردى دامىتۋ جونىندەگى مەنەدجەرى شۋحرات كايۋموۆ.
ەسكە سالا كەتەيىك، بۇدان بۇرىن اننا دانيلينانىڭ ۆارشاۆا تۋرنيرىنىڭ شيرەك فينالىنا شىققانىن جازعان بولاتىنبىز.
