التىنەمەل مەن سايرام-وگەمدە قار بارىسى ۆيدەوعا ءتۇسىپ قالدى

نۇر-سۇلتان. قازاقپارات - قار بارىستارى بىردەن ەكى ۇلتتىق پاركتە ۆيدەوعا ءتۇسىپ قالدى، دەپ حابارلايدى قازاقپارات.

جىرتقىشتاردىڭ ۆيدەوسىن ورمان شارۋاشىلىعى جانە جانۋارلار دۇنيەسى كوميتەتى جاريالادى.

قابىلاندار قازىر ەرەكشە قورعالاتىن 9 تابيعي اۋماقتا مەكەندەيدى.

وسى جولى ولار التىنەمەل جانە سايرام-وگەم ۇلتتىق پاركتەرىندە ورناتىلعان فوتوتۇزاقتارعا تۇسكەن.

اتالمىش جانۋار حالىقارالىق تابيعاتتى قورعاۋ وداعىنىڭ (IUCN) قىزىل تىزىمىنە ەنگىزىلگەن.

قار بارىسى 12 ەلدە مەكەندەيدى جانە ونىڭ بارلىعىندا سيرەك كەزدەسەتىن نەمەسە قۇرىپ كەتۋ قاۋپى تونگەن ءتۇر بولىپ تانىلعان.

قازىر ەلىمىزدە شامامەن 140-180 ءىلبىس بار.