قازاقستاننىڭ ورتا مەرزىمدى ەكونوميكالىق دامۋ ساياساتى قايتا بەكىتىلەدى
ۇلتتىق ەكونوميكا مينيسترلىگىنىڭ مالىمەتىنشە، جاڭا ستراتەگيا پرەزيدەنتتىڭ وتاندىق ءىرى بيزنەس وكىلدەرىمەن كەزدەسۋىندە بەرگەن تاپسىرمالارى اياسىندا ازىرلەنگەن.
«ورتا مەرزىمگە ارنالعان ەكونوميكالىق دامۋ جوسپارى الەۋمەتتىك-ەكونوميكالىق دامۋدى قامتاماسىز ەتۋ، كىرىستەردى ءادىل ءبولۋ، جاپپاي كاسىپكەرلىك ارقىلى حالىقتىڭ تەڭدىگىن قامتاماسىز ەتۋ جانە ناقتى ءال-اۋقاتىن ارتتىرۋ ماقساتىندا ازىرلەنىپ وتىر. ەكونوميكالىق ساياسات ستراتەگياسى ينفراقۇرىلىمدىق مۇمكىندىكتەر، وڭىرلىك جانە ەل ىشىندەگى ەرەكشەلىكتەردى ەسكەرە وتىرىپ دايىندالعان. جاڭا قازاقستاننىڭ ەكونوميكالىق ساياساتى ەكونوميكالىق اگەنتتەر مەن ازاماتتاردىڭ الەۋەتىن بارىنشا اشۋعا، ادىلدىك پەن مۇمكىندىكتەر تەڭدىگىن قامتاماسىز ەتۋگە باعىتتالعان»، - دەلىنگەن اشىق تالقىعا شىعارىلعان قۇجاتتا.
ەسكە سالا كەتەيىك، بيىل 19- مامىردا ەلدەگى كاسىپكەرلەرمەن كەزدەسكەن مەملەكەت باسشىسى قاسىم-جومارت توقايەۆ ۇكىمەتكە بيزنەستىڭ قۇقىعىن قورعاۋ، جاڭا ەكونوميكالىق ساياساتتى ايقىنداۋ بويىنشا ءبىرقاتار تاپسىرما بەرگەن ەدى.
