قازاقستان مەن تۇركيا اراسىنداعى اۋە رەيستەرىنىڭ سانى ەكى ەسەدەن ارتىق كوبەيەدى

يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، ق ازاقستاندىق دەلەگاتسيانى ازاماتتىق اۆياتسيا كوميتەتىنىڭ ءتوراعاسى تالعات لاستايەۆ، تۇرىك دەلەگاتسياسىن تۇركيانىڭ اۆياتسيالىق بيلىگىنىڭ باس ديرەكتورى كەمال يۋكشەك باسقاردى.

كەلىسسوزدەرگە قازاقستاندىق Air Astana جانە SCAT اۋە كومپانيالارىنىڭ وكىلدەرى، سونداي-اق تۇرىك اۋە كومپانيالارىنىڭ - Turkish Airlines, Pegasus Airlines, Tailwind Airlines, Freebird Airlines وكىلدەرى قاتىستى.

كەلىسسوزدەر قورىتىندىسى بويىنشا قازاقستان مەن تۇركيا اراسىنداعى رۇقسات ەتىلگەن رەيستەردىڭ سانىن 2 ەسەدەن ارتىق، ءار تاراپ بويىنشا اپتاسىنا 40-تان 93 رەيسكە دەيىن، ونىڭ ىشىندە نۇر- سۇلتان - ىستامبۇل باعىتى بويىنشا رەيستەر سانىن 7-دەن 14-كە دەيىن، الماتى - ىستامبۇل باعىتى بويىنشا اپتاسىنا 13-تەن 21-گە دەيىن ارتتىرۋ، سونداي-اق ەكى ەل اۋماعىنداعى رەيستەرگە ارنالعان جاڭا قالالار قوسۋ تۋرالى كەلىسىمگە قول جەتكىزىلدى.

باسەكەلەستىكتى دامىتۋ جانە اۋە بيلەتتەرىنىڭ قۇنىن تومەندەتۋ ماقساتىندا قازاقستاندىق تاراپتىڭ باستاماسىمەن نۇر- سۇلتان، الماتى جانە ىستامبۇل قالالارى ارالىعىنداعى باعىتتاردا بالامالى ەكىنشى اۋە تاسىمالداۋشىلارىن مىندەتتى تۇردە بەلگىلەۋ بەكىتىلگەن، بۇل جولاۋشىلار ءۇشىن اۋە كومپانيالارى اراسىنداعى تاڭداۋدى كەڭەيتەدى.

ەلدەر اراسىنداعى رەيستەر سانىنىڭ ايتارلىقتاي ارتۋى ت م د ەلدەرىنەن تۇركياعا قازاقستاننىڭ اۋە توراپتارى ارقىلى ءوسىپ كەلە جاتقان ترانزيتتىك جولاۋشىلار اعىنىن قامتاماسىز ەتۋگە دە ىقپال ەتەدى.