جىلجىمايتىن مۇلىكتىڭ قاي نارىعىندا باعا ءتۇسۋى مۇمكىن
«مەنىڭ ويىمشا، قازىرگى جاعدايدا قايتالاما تۇرعىن ءۇي نارىعىندا باعانىڭ تومەندەۋى ءۇشىن العىشارتتار بار. ەكىنشىدەن، ءدال قازىر باسپانا الاتىندار ءتۇرلى نۇسقالاردى قاراستىرۋى كەرەك. پاتەر ساتاتىندارمەن ساۋدالاسۋعا ءمان بەرگەن ءجون. تۇرعىن ۇيلەردى سالاتىنداردان تىكەلەي باسپانا الۋ نۇسقالارىن دا ىزدەستىرىپ، كەلىسىمشارت بويىنشا كەلىسسوزدەر جۇرگىزۋ كەرەك»، - دەدى ن. لۋكيانەنكو قازاقپارات اگەنتتىگىنە بەرگەن جاۋابىندا.
ساراپشىنىڭ پايىمىنشا، بۇل سالاداعى ماسەلەلەرگە سىرتقى فاكتورلار دا اسەر ەتەدى.
«تۇرعىن ءۇي نارىعىندا باعانىڭ ارزانداۋىنا سىرتقى ءارى ىشكى جاعدايلار ىقپال ەتەدى. ياعني ۆاليۋتا باعامىنا، قولدانىستاعى يپوتەكالىق جوبالارعا، قۇرىلىس سەكتورىن قولداۋ دەڭگەيىنە قاتىستى، سونداي-اق نارىققا ءتيىمدى شەشىمدەردى ەنگىزۋ جولىمەن ساتىپ الۋشىلاردى قولداۋ قادامدارىنا بايلانىستى بولادى. بۇل تۇرعىدا باسپانا الاتىندارعا ءبولىپ تولەۋ مۇمكىندىگىن ۇسىنۋ، قارىز الۋ بويىنشا ءتيىمدى باعدارلامالار جانە باسقا دا باعىتتار بولۋى كەرەك»، - دەپ ءتۇسىندىردى نينا لۋكيانەنكو.
بۇدان بۇرىن حابارلانعانداي، باسپانا نارىعىندا مۇلىكتى ساتىپ الۋ- ساتۋ مامىلەلەرىنىڭ سانى ازايدى.
«سوڭعى بىرنەشە ايدا، ياعني 2022 -جىلدىڭ ساۋىرىنەن ءبىرىڭعاي جيناقتاۋشى زەينەتاقى قورىندا (ب ج ز ق) جەتكىلىكتىلىك شەگىنىڭ كولەمى ارتقاننان بەرى نارىقتاعى شارتتاردىڭ جالپى سانى ايتارلىقتاي تومەندەدى»، - دەدى ن. لۋكيانەنكو. ونىڭ ايتۋىنشا، ءبىر ايداعى كەلىسىمشارتتاردىڭ جالپى سانى 30-31 مىڭعا دەيىن قىسقاردى.
