12:25, 28 - شىلدە 2022 | GMT +6
نۇرسۇلتان نازاربايەۆ تۇركياعا قانداي ساپارمەن بارعانى تۋرالى ايتىلدى
نۇر-سۇلتان. قازاقپارات - قازاقستاننىڭ تۇڭعىش پرەزيدەنتى نۇرسۇلتان نازاربايەۆ جايلى تاراعان ءتۇرلى اقپاراتتارعا رەسمي جاۋاپ بەرىلدى، دەپ حابارلايدى قازاقپارات.
بۇل جايىندا ونىڭ كەڭەسشىسى ءارى باسپا ءسوز حاتشىسى ايدوس ۇكىباي ءمالىم ەتتى.
«نۇرسۇلتان نازاربايەۆ دەمالىسىن تۇركيادا، تۋعان-تۋىستارى مەن جاقىندارىنىڭ جانىندا وتكىزىپ، ەلگە ورالدى. انونيم اقپارات كوزدەرىنىڭ ءارتۇرلى الىپ-قاشپا اڭگىمەلەرىنە قاراماستان تۇڭعىش پرەزيدەنت ەشقانداي شەتەلدىك رەسمي تۇلعالارمەن جانە بيزنەس وكىلدەرىمەن كەزدەسۋ وتكىزگەن جوق»، - دەپ جازدى ايدوس ۇكىباي Twitter پاراقشاسىندا.
اۆتور جانات قاپالبايەۆا
