11:56, 28 - شىلدە 2022 | GMT +5
مەديتسينا تاريحىندا ءتورتىنشى ادام اۋىر دەرتتەن ايىقتى
نۇر-سۇلتان. قازاقپارات - مەديتسينا تاريحىندا ءتورتىنشى ادام ادامنىڭ يممۋن تاپشىلىعى ۆيرۋسى دياگنوزىنان ايىعىپ شىقتى، دەپ حابارلايدى «حابار 24».
كاليفورنياداعى مەديتسينا ورتالىعىندا ەم قابىلداعان 66 جاستاعى ەر ادام لەيكەميا اۋرۋىمەن دە كۇرەسكەن ەكەن. وسىدان ءۇش جىل بۇرىن دارىگەرلەر ناۋقاستىڭ ءدىڭ جاسۋشاسىن دونوردىڭ جاسۋشاسىمەن اۋىستىرعان بولاتىن. ەم وڭ ناتيجە كورسەتىپ، دارىگەرلەردىڭ ەڭبەگى اقتالدى. قازىر ناۋقاستىڭ جاعدايى ءتاۋىر.
مامانداردىڭ ايتۋىنشا، ەندى ول قاننىڭ قاتەرلى ىسىگى مەن ادامنىڭ يممۋن تاپشىلىعى ۆيرۋسى دەرتىنەن 17 اي بويى رەميسسيا كەزەڭىنەن ءوتۋى كەرەك.
