قازاقستاننان قىتايعا تاعى ءبىر رەيس تامىزدا اشىلادى

نۇر-سۇلتان. قازاقپارات - نۇر-سۇلتان اۋەجايىنان تامىزدا چىڭدۋعا (قىتاي) ۇشۋعا بولادى، - دەپ حابارلايدى Kaz.tengritravel.kz ءتىلشىسى استانالىق اۋە ايلاعىنىڭ باسپا ءسوز قىزمەتىنە سىلتەمە جاساپ.

7-تامىزدان باستاپ Air China اۋەكومپانياسى چىڭدۋ - نۇر-سۇلتان رەيسىن اشادى. ول جەكسەنبى كۇندەرى Airbus 320 ۇشاعىمەن ورىندالادى. ۇشۋ ۇزاقتىعى 5 ساعات 45 مينۋتتى قۇرايدى.

چىڭدۋ - سىچۋان پروۆينسياسىنىڭ اكىمشىلىك ورتالىعى. ساياحاتشىلار كوبىنەسە پروۆينسيانىڭ كوپتەگەن تابيعي جانە تەحنوگەندىك اكتيۆتەرىنە جەتۋ ءۇشىن ونى باستاپقى جانە نەگىزگى نۇكتە رەتىندە پايدالانادى. ايتپاقشى، ءدال وسى جەردە اق پاندا ءوسىرۋ جانە قورعاۋ ءۇشىن ەرەكشە قورىق بار، ويتكەنى بۇل قالا وسى جانۋارلاردىڭ وتانى بولىپ سانالادى.

ەسكە سالايىق، قازىرگى ۋاقىتتا چىڭدۋعا الماتىدان ۇشۋعا بولادى. Air Astana رەيسىن اپتاسىنا ەكى رەت جۇزەگە اسىرادى. سونىمەن قاتار، اپتاسىنا ءبىر رەت China Southern Airlines الماتىدان ۇرىمجىگە ۇشادى.