الماتىدا قارۋ-جاراق ارسەنالى ساقتالعان تاعى ءبىر ورىن تابىلدى

الماتى. قازاقپارات - الماتىدا قارۋ-جاراق ارسەنالى ساقتالعان تاعى ءبىر ورىن تابىلدى، دەپ حابارلايدى قازاقپارات ءتىلشىسى.

الماتى قالالىق كريمينالدىق پوليتسياسىنىڭ مالىمەتىنشە، ۇلكەن الماتى كانالى بويىنداعى ورمان بەلدەۋىنەن قارۋ-جاراق ارسەنالى تابىلدى.

«اتاپ ايتقاندا، قوس ۇڭعىلى شولاق مىلتىق، گاز تاپانشاسى، وقجاتارى جوق BLOW F92 تاپانشاسى، 4 گراناتا، ءارتۇرلى كاليبرلى 39 پاترون، راديوستانتسيا»، - دەپ حابارلادى پوليتسيادان.

اتالعان دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك- ءنىڭ 287-بابى 2-بولىگى بويىنشا تىركەلدى.

«قارۋ-جاراقتىڭ، سونداي-اق وق-دارىلەردىڭ شىعۋ تەگى مەن يەسى ودان ءارى جۇرگىزىلەتىن جەدەل جانە ارنايى ءىس-شارالار بارىسىندا انىقتالاتىن بولادى»، - دەپ اتاپ ءوتتى ۆەدومستۆودان.