قازاقستاندا تۇرعىن ءۇي باعاسى ارزانداي باستادى - ساراپشى

نۇر-سۇلتان. قازاقپارات - قازاقستاندا باسپانا باعاسىنىڭ تۇراقتانىپ كەلە جاتقانى بايقالىپ وتىر.

بۇل تۋرالى بىرىككەن ريەلتورلار قاۋىمداستىعى پرەزيدەنتىنىڭ كەڭەسشىسى نينا لۋكيانەنكو ايتتى، دەپ حابارلايدى قازاقپارات ءتىلشىسى.

«باسپانا نارىعىندا مۇلىكتى ساتىپ الۋ-ساتۋ شارتتارىنىڭ ازايۋى تۇرعىسىندا باعانىڭ تۇراقتانۋى بايقالىپ وتىر. وسى ورايدا مۇلىك يەسى باعانى تۇسىرگەن جاعدايدا عانا تۇرعىن ۇيلەر ساتىلىپ جاتىر»، - دەدى ن. لۋكيانەنكو قازاقپارات اگەنتتىگىنە بەرگەن جاۋابىندا.

ونىڭ ايتۋىنشا، جىل باسىنان باعانىڭ ءوسىمى ءبىر ايدا 2,1-5,5 پايىزدى قۇراسا، مامىر-شىلدەدە باسپانا قۇنى ونىڭ جاڭا نەمەسە ەسكى بولۋىنا قاراي بولدى. بۇل تۇرعىدا باسپانانىڭ تۇرىنە قاراي 0,4 پايىزدان 1,7 پايىزعا دەيىن ءوستى.

«ەگەر اي سايىنعى ينفلياتسيا دەڭگەيىن نازارعا الساق، وندا جىلجىمايتىن مۇلىك قۇنى تومەندەپ كەلە جاتىر دەگەن پايىمعا كەلۋگە بولادى»، - دەدى ساراپشى.

بۇدان بۇرىن حابارلانعانداي، ەلىمىزدە مۇلىكتى ساتىپ الۋ-ساتۋ مامىلەلەرىنىڭ سانى ازايدى.

ەسكە سالايىق، بيىلعى 1- ساۋىردەن باستاپ زەينەتاقى قاراجاتىنىڭ ءبىر بولىگىن پايدالانۋ ءۇشىن ەڭ تومەنگى جەتكىلىكتى شەگى ءوستى.

جەتكىلىكتى شەك ادامنىڭ جاس ەرەكشەلىگى بويىنشا ءارتۇرلى بەكىتىلگەن. 2021-جىلدىڭ قاڭتارىنان 2022-جىلدىڭ 1- ساۋىرىنە دەيىن ب ج ز ق سالىمشىلاردىڭ تۇرعىن ءۇي جاعدايىن جاقسارتۋ ءۇشىن زەينەتاقى جيناعىن پايدالانۋعا 1317739 ءوتىنىشىن ورىندادى. ۋاكىلەتتى وپەراتور- بانكتەردە اشىلعان قازاقستاندىقتاردىڭ ارنايى شوتىنا ب ج ز ق 3,1 تريلليون تەڭگە اۋداردى.