جىل باسىنان بەرى قانشا قازاقستاندىق كوروناۆيرۋستان قايتىس بولعانى انىقتالدى
اتالعان ستاتيستيكانى ق ر دەنساۋلىق ساقتاۋ ۆيتسە-ءمينيسترى ۆياچەسلاۆ دۋدنيك جاريا ەتتى، دەپ حابارلايدى قازاقپارات ءتىلشىسى.
«بيىل 6 ايدا ك ۆ ي- دان 785 ادام قايتىس بولدى. ءولىم-ءجىتىم كوبىنەسە قاڭتار-اقپان ايىندا بولدى. اتاپ ايتقاندا، قاڭتاردا كوروناۆيرۋس سالدارىنان 311 ادام قايتىس بولدى، اقپاندا – 411، ناۋرىزدا – 54، ساۋىردە – 3، مامىردا – 3، ماۋسىمدا - 1 جانە شىلدە ايىندا 3 پاتسيەنت مەرت بولدى»، - دەدى ۆياچەسلاۆ دۋدنيك ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق، ەلىمىزدىڭ باس مەملەكەتتىك سانيتارلىق دارىگەرى كوروناۆيرۋستان قايتىس بولعاندار تۋرالى ستاتيستيكانىڭ كۇندەلىكتى جاريالانباۋىنا قاتىستى تۇسىنىك بەردى.
«ماۋسىمنان باستاپ كوروناۆيرۋس بويىنشا ءولىم-ءجىتىم ازايدى. ستاتيستيكانى كۇندەلىكتى جاريالاۋدىڭ قاجەتى جوق. كوروناۆيرۋس جۇقتىرىپ، ارتى ولىمگە الىپ كەلگەن جاعدايلارعا قاتىستى مالىمەت بويىنشا مينيسترلىككە جۇگىنۋگە بولادى»، - دەدى ايجان ەسماعامبەتوۆا بريفينگىدە.
ايتا كەتەيىك، بۇعان دەيىن ا. ەسماعامبەتوۆا مايمىل شەشەگى ۆيرۋسىنىڭ قاۋپىنە قاتىستى جاعدايدى بايانداپ وتكەن ەدى.
