الماتىدا ساموكات تەپكەن بويجەتكەن كوز جۇمدى

الماتى. قازاقپارات - الماتىدا موپەد جانە ەلەكتروساموكاتتاردىڭ جول-كولىك وقيعالارىنا ءتۇسۋ فاكتىلەرى كوبەيدى.

بۇل تۋرالى قالالىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بيىل التى اي ىشىندە موپەد پەن ساموكات ايداۋشىلار اراسىندا 77 جول-كولىك وقيعاسى تىركەلىپ، 81 ادام زارداپ شەكتى.

سونداي-اق ساموكات تىزگىندەگەن 1 ادام قازا بولدى.

وقيعا 10- ماۋسىم كۇنى ماركوۆ كوشەسىندە بولدى.

«جولدا ساموكاتپەن كەلە جاتقان 27 جاستاعى بويجەتكەن توقتاپ تۇرعان كولىكتىڭ ەسىگىنە سوعىلىپ، العان جاراقاتىنان كوز جۇمدى»، - دەپ اتاپ ءوتتى ۆەدومستۆودان.

بۇعان دەيىن الماتىدا تەررەنكۋر اۋماعىندا ەلەكتروساموكات قوزعالىسىنا تىيىم سالىنعانى تۋرالى جازعان بولاتىنبىز.