كوروناۆيرۋسقا قارسى جاڭا پرەپارات ەمدەۋ حاتتاماسىنا ەنگىزىلۋى مۇمكىن

نۇر-سۇلتان. قازاقپارات - ەلىمىزدىڭ دەنساۋلىق ساقتاۋ مينيسترلىگى كوروناۆيرۋسقا قارسى جاڭا پرەپاراتتى كلينيكالىق حاتتاماعا ەنگىزۋدى قاراستىرىپ جاتىر.

بۇل تۋرالى ق ر دەنساۋلىق ساقتاۋ مينيسترلىگى ءدارى-دارمەك ساياساتى دەپارتامەنتىنىڭ باسشىسى باۋىرجان ءجۇسىپوۆ ءمالىم ەتتى، دەپ حابارلايدى قازاقپارات ءتىلشىسى.

«الەمدە ك ۆ ي- ءدى ەمدەۋ ءۇشىن قولدانىلاتىن ءبىرقاتار ءدارى-دارمەك بار. ءبىراق ول پرەپاراتتار زەرتتەۋدىڭ سوڭعى كەزەڭىنەن وتكەن جوق. دەگەنمەن، ءبىرقاتار ەلدەر كەيبىر ءدارى-دارمەكتەردى شۇعىل جاعدايدا قولدانۋعا ۇسىنىس بەرىپ وتىر. قازىر بۇل باعىتتا ءبىزدىڭ كلينيكالىق حاتتامانى ازىرلەۋشى ماماندار بەلسەندى جۇمىس ىستەپ جاتىر. جاقىن ارادا جۇمىس ناتيجەسىن جاريالايمىز. ءبىر اي ىشىندە بەلگىلى بولىپ قالادى»، - دەدى باۋىرجان ءجۇسىپوۆ و ك ق- دە وتكەن بريفينگىدە.

ايتا كەتسەك، قازىر ورتالىق كوممۋنيكاتسيالار قىزمەتى الاڭىندا ەلىمىزدەگى ەپيدەميولوگيالىق جاعدايعا قاتىستى باسپا ءسوز ءماسليحاتى ءوتىپ جاتىر.

بريفينگىدە بەلگىلى بولعانداي شىلدە ايى باستالعالى 3 قازاقستاندىق كوروناۆيرۋستان قايتىس بولدى.

سونىمەن قاتار، قازىر الەمدە وميكرون شتامىنىڭ ءورشىپ تۇرعانى ايتىلدى. سونداي-اق، ەلىمىز 300 مىڭ دوزا Pfizer ۆاكسيناسىن ساتىپ الۋ بويىنشا كەلىسىم جۇرگىزىپ جاتىر.