استانادا جولاۋشىلار اۆتوبۋسىنان ءورت شىقتى

نۇر-سۇلتان. قازاقپارات – ق ر توتەنشە جاعدايلار مينيسترلىگى ەلوردادا كوشە ورتاسىندا ءورت شىققان اۆتوبۋسقا قاتىستى مالىمەت بەردى، دەپ حابارلايدى قازاقپارات.

«27 - شىلدە كۇنى ساعات 14.45 تە ءورت ءسوندىرۋ بولىمشەلەرى كەرەي-جانىبەك حاندار كوشەسى مەن تۇركىستان كوشەسىندە جانىپ جاتقان اۆتوبۋس تۋرالى تۇسكەن حابارلاما بويىنشا شاقىرتۋعا شىقتى. وقيعا ورنىنا جەتكەن بويدا مارشرۋتتىق اۆتوبۋستىڭ قوزعالتقىش بولىگى جانىپ جاتقانى انىقتالدى. ءورت 14.58 دە ءسوندىرىلدى. قازا بولعاندار مەن زارداپ شەككەندەر جوق. ءورتتى سوندىرۋگە نۇر-سۇلتان قالالىق توتەنشە جاعدايلار دەپارتامەنتىنىڭ جەكە قۇرامىنان 5 ادام مەن 1 تەحنيكا جۇمىلدىرىلدى»، - دەلىنگەن ۇسىنىلعان حابارلامادا.