17:12, 27 - شىلدە 2022 | GMT +6
كورەيا رەسپۋبليكاسىنىڭ قازاقستانداعى اسكەري اتتاشەسى وزگەردى
نۇر-سۇلتان. قازاقپارات - ەلوردادا قازاقستان رەسپۋبليكاسىنىڭ قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى ولجاس قۇسايىنوۆ پەن كورەيانىڭ قازاقستانداعى اسكەري اتتاشەسى سونگ تەگۋك كەزدەستى، دەپ حابارلايدى قازاقپارات.
كەزدەسۋ بارىسىندا سونگ تەگۋك ءوزىنىڭ ديپلوماتيالىق ميسسياسىنىڭ اياقتالۋىنا بايلانىستى كورەيا رەسپۋبليكاسىنىڭ قازاقستانداعى جاڭا اسكەري اتتاشەسى كيم دجونگ حەنى تانىستىردى.
«س. تەگۋك قازاقستان رەسپۋبليكاسىندا اسكەري اتتاشە قىزمەتىن 2019-جىلدىڭ اقپان ايىنان اتقاردى. وسى كەزەڭدە تاراپتار اسكەري ىنتىماقتاستىقتى دامىتۋدا، ونىڭ ىشىندە اسكەري ءبىلىم بەرۋ سالاسىندا ايتارلىقتاي ناتيجەلەرگە قول جەتكىزدى»، - دەلىنگەن مينيسترلىك حابارلاماسىندا.
