الەمدە كوروناۆيرۋستىڭ وميكرون شتامى ءورشىپ تۇر - ايجان ەسماعامبەتوۆا
بۇل تۋرالى ق ر دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتارلىق دارىگەر ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.
«دۇنيەجۇزىلىك دەنساۋلىق ساقتاۋ ۇيىمىنىڭ دەرەگى بويىنشا سوڭعى اپتادا ەۋروپا، شىعىس جەرورتا تەڭىزى مەن افريكا ءوڭىرىن ساناماعاندا، قالعان 3 وڭىردە كوروناۆيرۋستىڭ تارالۋى 30 پايىزعا ءوستى. سوڭعى اپتادا الەمنىڭ 92 ەلىندە سىرقاتتانۋدىڭ ءوسۋى بايقالىپ وتىر. ونىڭ ىشىندە COVID-19 ازەربايجاندا 115 پايىز، جاپونيادا 70 پايىز، پولشادا 63 پايىز، رەسەيدە 49 پايىز جانە قىتايدا 36 پايىزعا جەتىپ وتىر. بۇگىندە كوروناۆيرۋستىڭ وميكرون شتامى الەمدەگى نەگىزگى ۆيرۋس بولىپ وتىر جانە ءورشىپ تۇر. ونىڭ تارالۋ ۇلەسى زەرتتەلگەن ۇلگىلەردىڭ 95 پايىزىن الادى. وميكرون شتامىنىڭ اراسىندا BA.5 جانە BA.4 ۇلەسى باسىم. ونىڭ ىشىندە ۆيرۋستىڭ BA.5 ءتۇرى 100 ەلدە انىقتالدى»، - دەدى ايجان ەسماعامبەتوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
باس مەملەكەتتىك سانيتار دارىگەردىڭ مالىمدەۋىنشە، ءبىر اپتادا بارلىق ۆيرۋستىڭ تۇرلەرىمەن سالىستىرعاندا ۆيرۋستىڭ BA.5 ءتۇرىنىڭ ۇلەسى 54 پايىزعا دەيىن وسكەن.
«سونىمەن قاتار، ۆا2.75 وميكرونىنىڭ (كەنتارۆ) سۋبنۇسقاسىن د د ۇ- ى باقىلاپ وتىر. اتالعان سۋبنۇسقانى الەمنىڭ 15 ەلى باقىلاۋعا العان، ول بارلىق زەرتتەلگەن ۇلگىلەردىڭ 0,05 پايىزىن الادى. ازىرگە، باسقا نۇسقالارمەن سالىستىرعاندا وسى مۋتاتسيانىڭ قانداي دارەجەسى اۋرۋدىڭ تارالۋى مەن اۋىرلىعىنا اسەر ەتەتىنى تۋرالى دالەل جوق»، - دەيدى ول.
ونىڭ ايتۋىنشا، قازىرگى كۇنى مۋتاتسياعا قاتىستى زەرتتەۋ جالعاسىپ جاتىر.
بۇعان دەيىن حابارلاعانىمىزداي، شىلدە باستالعالى 3 قازاقستاندىق كوروناۆيرۋستان قايتىس بولدى.
