قازاقستان مەن گرۋزيا اراسىنداعى تۋريستىك الەۋەتتى دامىتۋ ماڭىزدى - ءاليحان سمايىلوۆ
كەزدەسۋ بارىسىندا تاراپتار ساۋدا-ەكونوميكالىق ىنتىماقتاستىق، ءوزارا ينۆەستيتسيالار مەن بيزنەس-بايلانىستاردى كەڭەيتۋ، ەكى ەلدىڭ تۋريستىك الەۋەتىن دامىتۋ، جاڭا اۋە رەيستەرىن اشۋ، سونداي-اق مادەني-گۋمانيتارلىق سالاداعى ءوزارا ءىس-قيمىل ماسەلەلەرىن تالقىلادى.
ءاليحان سمايىلوۆ قازىرگى ۋاقىتتا بىرلەسكەن كۇش-جىگەردىڭ ارقاسىندا ءوزارا تاۋار اينالىمىنىڭ رەكوردتىق كورسەتكىشتەرگە جەتكەنىن اتاپ ءوتتى.
تاۋار اينالىمى $31,7 ميلليوننان $147,7 ميلليونعا دەيىن ءوستى، بۇل وتكەن جىلدىڭ ۇقساس كەزەڭىمەن سالىستارعاندا 4,7 ەسە كوپ.
ءوز كەزەگىندە يراكلي گاريباشۆيلي قازاقستان مەن گرۋزيانىڭ ازىق- تۇلىك قاۋىپسىزدىگى مەن جۇك تاسىمالداۋدى قوسا العاندا، كوپتەگەن سالادا ىنتىماقتاستىقتى كەڭەيتۋ بويىنشا الەۋەتى زور ەكەنىن اتاپ ءوتتى.
كەزدەسۋدە تاراپتار ترانسكاسپي حالىقارالىق كولىك باعدارىن (ت ح ك ب) دامىتۋ ماسەلەلەرىن دە تالقىلادى. ونىڭ باسەكەگە قابىلەتتىلىگىن ارتتىرۋ ءۇشىن تەمىرجول ۋچاسكەلەرى مەن تەڭىز پورتتارىنداعى ينفراقۇرىلىمدىق شەكتەۋلەردى الىپ تاستاۋ، سونداي-اق قولدانىستاعى تاريفتەردى قايتا قاراۋ قاجەتتىگى اتاپ ءوتىلدى.
«بۇل جوبا ەكى ەل ءۇشىن ستراتەگيالىق ماڭىزعا يە. قازاقستان تاراپتار مۇددەلەرىنىڭ تەڭگەرىمىن ساقتاي وتىرىپ، ءوڭىردىڭ كولىك-ترانزيت الەۋەتىن دامىتۋ جونىندەگى بارلىق باستامالاردى قولدايدى.
جالپى ت ح ك ب الەۋەتىن ارتتىرۋ ءۇشىن باسقا قاتىسۋشىلارمەن بىرگە «تار» تۇستارىن سينحروندى جويۋ جانە ونىڭ الەۋەتىن دامىتۋ بويىنشا 2022-2025 -جىلدارعا ارنالعان جول كارتاسىن ازىرلەۋدى ۇسىنامىز»، - دەدى ءاليحان سمايىلوۆ.
سونىمەن قاتار ق ر پرەمەر-ءمينيسترى ەكى ەل اراسىنداعى تۋريستىك الەۋەتتى، ونىڭ ىشىندە ەكو- جانە ەتنو-تۋريزم تۇرعىسىنان دامىتۋدىڭ ماڭىزدىلىعىن ەرەكشە اتاپ ءوتتى.
بۇگىنگى تاڭدا قازاقستان گرۋزياعا 34 تىكەلەي اۋە رەيسىن جۇزەگە اسىرادى. بۇل ورايدا قازاقستاننىڭ 12 اۋەجايىندا شەتەلدىك اۋە كومپانيالارى ءۇشىن اشىق اسپان رەجيمى ەنگىزىلدى. ونىڭ اياسىندا رەيستەر سانى بويىنشا بارلىق شەكتەۋدى الىپ تاستاۋ كوزدەلگەن.
كەزدەسۋ قورىتىندىسى بويىنشا تاراپتار ءبىرقاتار ەكىجاقتى قۇجاتقا قول قويدى: قازاقستان مەن گرۋزيا اراسىنداعى ءوزارا تاۋار اينالىمىنىڭ نومەنكلاتۋراسىن كەڭەيتۋ جونىندەگى 2023-2026-جىلدارعا ارنالعان جول كارتاسى، Astana Hub حالىقارالىق IT ستارتاپتار تەحنوپاركى مەن گرۋزيانىڭ تەحنولوگيالار جانە يننوۆاتسيالار اگەنتتىگى اراسىنداعى ءوزارا تۇسىنىستىك تۋرالى مەموراندۋم، سونداي-اق «قازاقستان تەمىر جولى» ۇ ك» ا ق مەن «گرۋزيا تەمىر جولى» ا ق اراسىنداعى ىنتىماقتاستىق تۋرالى كەلىسىم.
