قازاقستان گونكونگ تۋريستەرىنە تارتىمدى جەرگە اينالىپ بارادى
قازاق- قىتاي قاتىناسىنىڭ دامۋى بەينەلەنگەن كورمەنىڭ سالتاناتتى اشىلۋىنا ديپلوماتيالىق ميسسيا مەن اكىمشىلىك اۋداننىڭ وكىلدەرى، ىسكەرلەر مەن اكادەميالىق ورتانىڭ قىزمەتكەرلەرى قاتىستى. باس كونسۋل راشيد ەرىشيەۆ قوس ەل اراسىنداعى ىنتىماقتاستىقتىڭ تاريحى مەن بۇگىنگى ارىپتەستىك جايلى باياندادى. كورمەگە كەلۋشىلەر ەلىمىزدىڭ مادەنيەتى مەن تابيعاتىن تاماشالاپ، ۇلتتىق اسپاپتارىمىزدان توگىلگەن اۋەندەردى تىڭداپ قايتتى.
دجون لەم، Brilliant Bank ءتوراعاسى:
- قازاقستانعا ماۋسىمنىڭ باسىندا بارعانمىن. الماتى قالاسىندا بولدىم، تاماشا شاھار. سونداي- اق استانا حالىقارالىق قارجى ورتالىعىندا بولدىم. ءبىزدىڭ بانك «ءبىر جول- ءبىر بەلدەۋ» باستاماسىنا ساي ساۋدا جانە قارجى سالاسىندا قىزمەت كورسەتەدى. جىل اياعىنا دەيىن قازاقستان- گونكونگ ساۋدا- وندىرىستىك پالاتاسىن قۇرۋدى جوسپارلاپ وتىرمىز. وسىلايشا ەكى تاراپتىڭ ءوزارا ساۋدا قاتىناسىمەن ينۆەستيتسياسىن ىلگەرىلەتسەك دەيمىز.
ماكس زە، ءوندىرىس جانە كوممەرتسيا قاۋىمداستىعىنىڭ ۆيتسە- پرەزيدەنتى:
- قازاقستان ءبىز ءۇشىن وتە ماڭىزدى مەملەكەت. ىسكەرلىك تۇرعىدان دا، الەۋمەتتىك تۇرعىدان دا قازاقستاننىڭ گونكونگپەن اراداعى قاتىناسىنىڭ الەۋەتى زور. گونگكونگ تۇرعىندارى قازاق ەلىمەن جاقىنىراق تانىستىرۋ كەرەك، سول سياقتى قازاقستان جۇرتى دا گونكونگ تۋرالى كوبىرەك بىلگەنى جاقسى.
كارسون ۆەن، حالىقارالىق قارجى توبىنىڭ ءتوراعاسى:
- قازاقستان مەن قىتاي اراسىنداعى قاتىناس كوپجىلدىق دوستىققا نەگىزدەلگەن. مەن 2016 -جىلى قازاقستانعا العاش رەت بارعان ەدىم. سودان كەيىن ەلدەرىڭىزدە 7 رەت بولدىم. حالقىن، تابيعاتىن جاقسى كورەمىن. سونداي- اق قازاقستاندا بيزنەستى دامىتۋ ءۇشىن قولايلى جاعداي جاسالعان.
www.24.kz
