جىل سوڭىنا دەيىن قازاۆتوجول مەن قازاقاۆتوجولدى بىرىكتىرۋ پروتسەسى اياقتالادى

نۇر- سۇلتان. قازاقپارات - «قازاۆتوجول» ۇ ك» ا ق جانە «قازاقاۆتوجول» ج ش س بىرىكتىرۋگە قاتىستى قاۋلى جوباسى ازىرلەندى.

بۇل تۋرالى يندۋستريا جانە ينفراقۇرىلىمدىق دامۋ مينيسترلىگى باسپا ءسوز قىزمەتىنەن مالىمدەدى، دەپ حابارلايدى قازاقپارات ءتىلشىسى.

«قازاقستان ۇكىمەتىنىڭ 2022 -جىلعى 14- شىلدەدەگى كەڭەيتىلگەن وتىرىسىنىڭ قورىتىندىسى بويىنشا مەملەكەت باسشىسىنىڭ تاپسىرماسىن ورىنداۋ ماقساتىندا ءتيىس ءىس- شارالار اتقارىلدى. مينيسترلىك «قازاۆتوجول» ۇ ك» ا ق جانە «قازاقاۆتوجول» ج ش س بىرىكتىرۋ ءۇشىن «رەسپۋبليكالىق مەنشىكتىڭ كەيبىر ماسەلەلەرى تۋرالى» قاۋلى جوباسىن ازىرلەدى. بۇل قۇجات جوباسى بيىل تامىز ايىندا پرەمەر- ءمينيستردىڭ كەڭسەسىنە ەنگىزىلەدى. جوعارىدا اتالعان مەكەمەلەردى بىرىكتىرۋ پروتسەسىن وسى جىلدىڭ سوڭىنا دەيىن اياقتاۋ جوسپارلانىپ وتىر»، - دەلىنگەن مينيسترلىكتىڭ قازاقپارات اگەنتتىگىنە بەرگەن جاۋابىندا.

ۆەدومستۆو مالەمەتىنشە، بىرىككەننەن كەيىن، ءبىرتۇتاس كومپانيا «قازاۆتوجول» ۇ ك» ا ق دەپ اتالاتىن بولادى.

«بۇل ءىس- قيمىل جولداردى كۇتىپ ۇستاۋ بويىنشا بارلىق جۇمىس بارىسىن تولىق باقىلاۋعا الۋعا مۇمكىندىك بەرەدى. سونىمەن قاتار، اۆتوموبيل جولدارىن پايدالانۋشىلاردىڭ ساۋالدارى مەن شاعىمدارىنا جەدەل ءارى ۋاقىتىلى دەن قويۋدى قامتاماسىز ەتەدى، سونداي- اق توتەنشە جاعدايلار بولعان جاعدايدا مەملەكەتتىڭ جۇمىلدىرۋ دايىندىعى دەڭگەيىن ارتتىرادى»، - دەپ اتالىپ وتكەن مينيسترلىك حابارلاماسىندا.

بۇدان بۇرىن حابارلانعانداي، مەملەكەت باسشىسى «قازاۆتوجول» جانە «قازاقاۆتوجولدى» بىرىكتىرىپ، قازاقستاننىڭ ءبىرتۇتاس اۆتوجول كومپانياسىن قۇرۋدى تاپسىردى.

اۆتور: رۋسلان عابباسوۆ