كيىك تۇياعىنىڭ استىندا قانشا گەكتار ەگىستىك تاپتالدى
ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ دەرەگىنشە، ەلىمىزدىڭ 5 ءوڭىرىنىڭ، اتاپ ايتقاندا باتىس قازاقستان، قاراعاندى، اقتوبە، اقمولا جانە قوستاناي وبلىستارىنىڭ اۋىل شارۋاشىلىعى كاسىپورىندارى كيىكتەن زارداپ شەكتى.
ماسەلەن، باتىس قازاقستان وبلىسى شارۋا قوجالىقتارىنىڭ 1029,9 مىڭ گەكتار جايىلىمىن، 34,7 مىڭ گەكتار شابىندىعىن، 6,7 مىڭ گەكتار ەگىستىك، 7,1 مىڭ گەكتار قاراقۇمىق، 12,5 مىڭ گەكتار مايلى داقىلدار القابىن كيىك بۇلدىرگەن. قاراعاندى وبلىسىندا 23,2 مىڭ گەكتار ەگىستىك، 1,2 مىڭ گەكتار قاراقۇمىق، 5,1 مىڭ گەكتار ءداندى داقىلدار القابى جارامسىز بولىپ قالدى.
كيىك تۇياعى استىندا جارامسىز بولىپ قالعان ەڭ ۇلكەن القاپ اقمولا وبلىسىندا - 141,9 مىڭ گەكتار. سونداي- اق وسى ءوڭىر 0,9 مىڭ گەكتار القاپتاعى قاراقۇمىق ونىمىنەن قاعىلىپ وتىر.
اقتوبە وبلىسى دا بيىل ءبىراز ونىمنەن قاعىلعالى وتىر. وڭىردە 40,3 مىڭ گەكتار ەگىستىك، 1,1 مىڭ گەكتار قاراقۇمىق، 9,4 مىڭ گەكتار ماقسارى، 1,5 مىڭ گەكتار جۇگەرى، 5,4 مىڭ گەكتار مايلى داقىلدار القابى جارامسىز. ال قوستاناي وبلىسىنىڭ شارۋالارى 49,6 مىڭ گەكتار ەگىستىك، 2,3 مىڭ گەكتار قاراقۇمىق، 8,3 مىڭ گەكتار ماقسارى، 0,2 مىڭ گەكتار سۇلى، 0,3 گەكتار زىعىر، 0,4 گەكتار ەركەكشوپ القابىنان ءونىم الا المايدى. سونىمەن قاتار وڭىردە 20,5 مىڭ گەكتار جايىلىم جەر بۇلىنگەن.
اۆتور: مارلان جيەمباي
