اكەنىڭ شىنايى كەلبەتى
نەگىزىن قالاۋشى سپوكان (ۆاشينگتون) قالاسىنىڭ دودد ەسىمدى تۇرعىنى بولدى. ول ءوز اكەسىنە دەگەن قۇرمەتىن، ونىڭ اياسىندا ا ق ش- تاعى بالا تاربيەلەپ وتىرعان بارلىق اكەلەرگە دەگەن شەكسىز رازىلىعىن ءبىلدىرۋدى ماقسات ەتكەن ەدى. اتالعان مەرەكەنىڭ نەگىزىن قالاۋشى دودد حانىمنىڭ اكەسى - ۋيليام سمارت. ونىڭ ايەلى 6- ءسابيىن دۇنيەگە اكەلىپ، كوز جۇمعان. تاعدىردىڭ باسقا سالعان سىناعىنا قارسى تۇرعان اكە 5 بالاسى مەن جاڭا تۋعان ءسابيىن جالعىز ءوزى ءوسىرىپ، تاربيەلەدى.
ازامات سوعىسىنىڭ ارداگەرى ۋيليام بالالارىمەن فەرمادا تۇردى. بايقاپ وتىرساق، تاريحتا وسى سەكىلدى «ەرلىك» جاساعان اكەلەر كوپ. ونىڭ سىرتىندا بىزگە بەلگىسىزى قانشاما. اكە - ءبىر شاڭىراقتىڭ وتاعاسى. «اكەگە قاراپ ۇل وسەدى» . ۇرپاقتىڭ ۇلى بولۋى ۇيدە تاربيە بەرەتىن اكەگە بايلانىستى ەكەنى انىق اقيقات. ۇيدەگى اكەمىزدىڭ قادىرىنە جەتىپ ءجۇرمىز بە؟ ونىڭ جان- دۇنيەسىنە ءۇڭىلىپ كوردىك پە؟ اكەنىڭ شىنايى كەلبەتى قانداي؟ !
- اكەڭ جازعىرعان كەزدە، سەنى ەش ۋاقىتتا جەك كورمەيدى؛
- اكەڭ قىسىم كورسەتىپ، ماجبۇرلەسە ساعان ەڭ جاقسىنى قالاعانى؛
- اكەڭنىڭ ءۇنسىز تۇرعانى، سەنىڭ بولاشاعىڭ جايلى ويلاعانى؛
- ساعان ۇنەمشىلدىك ەتسە، دەمەك وزىنە مۇلدەم قالماعانىن ءبىل؛
- كۇرسىنگەن كەيپىن كورسەڭ، ونىڭ سەبەبى سەن؛
- جۇزىنەن كۇلكى كورسەڭ، ونى باقىتتى ەتكەن سەن؛
- بولمەنىڭ ەسىگىن كىلتتەپ السا، كوزىنە جاس العانى؛
- قاتال بولا باستاسا، اقىل- كەڭەسىنە قۇلاق تۇرمەگەنىڭ؛
- اكەڭە داۋىس كوتەرگەن كۇنى، ونى ولتىرگەنىڭدى ءبىل؛
- ومىردە جول تاپپاي اداسا باستاساڭ، اكەڭدى اشۋلاندىرعانىڭدى ءبىل؛
- اكەڭ توسەكتە سويلەمەي، اياعىن سوزىپ جاتقانىن كورسەڭ، ۇلكەن تىرەگىڭدى جوعالتقانىڭدى جانە ونىڭ ورنىن ەشبىر ەستەلىك باسا المايتىنىن ءبىل.
ءتۇسىنىڭىز، اكەنىڭ ورنى قاشاندا بولەك. قىزىم قىلىقتى بولسىن دەپ «قىرىق ۇيدەن تىياتىن» جان - اكە. ۇلدى ۇلى ماقساتتارعا جەتەلەپ، جول كورسەتەتىن ادام - اكە. قامشى ۇستارىمنىڭ بولاشاعى قالاي بولار ەكەن دەپ كۇنى- ءتۇنى كىرپىك ىلمەي، جانىن جالداپ ەڭبەك ەتەتىن قامقورشىڭ - اكە.
ەگەر اكەڭىزبەن كوپتەن بەرى سويلەسپەگەن بولساڭىز، ءدال قازىر تەلەفون سوعىپ، قال- جاعدايىن ءبىلىڭىز. ساعىنعان شىعار.. .
Massaget.kz
