ەستەن كەتپەس دەمالىس بولسىن دەسەڭىز

نۇر-سۇلتان. قازاقپارات - ءسىز جازعى دەمالىسقا شىقتىڭىز نەمەسە ەڭبەك دەمالىسىنا اتتانىپ باراسىز. ءبىراق جازعى دەمالىستى قالاي ءارى قىزىق وتكىزەمىن دەيتىن سۇراققا جاۋاپ تابا الماي ءجۇرسىز. سەبەبى ءسىز دايىن ەمەسسىز.

قاجىعانسىز، شارشادىڭىز. دەمالۋ وڭاي. ءبىراق ەستەن كەتپەستەي بولۋ ءۇشىن، جاڭاشا ءبىر ەرەكشە دۇنيە قالايتىنىڭىز انىق. وسى دۇنيەلەردى ەسكەرە كەلىپ سىزگە ءتۇرلى ءادىس ۇسىنامىز. اتالعان ادىستەر ءسىزدىڭ ەستەن كەتپەس دەمالىسىڭىزدىڭ كەپىلى بولا الادى.

يميدج وزگەرتىڭىز

شاش ۇلگىسى، دەنە كۇتىمى، ءۇي، اينالاڭىز، كيىم- كيۋ ۇلگىڭىز ءبارى- ءبارىن وزگەرتىڭىز. تىم بولاماسا شاشىڭىزدى تاقىرلاپ الىپ تاستاپ كورىڭىز. ون ەكى ايدىڭ ءۇش ايىنداعى وزگەرىس، ءسىزدىڭ جاڭا جۇمىس كۇندەرىنە سەرگەك كەلۋىڭىزگە كومەكتەسەدى.

ءۇيدىڭ ءىشىن وزگەرتىڭىز

كوز الدىڭىزدا جاتتاندى بولىپ كەتكەن زاتتاردان ارىلىپ، وزىڭىزگە نە كەرەك، نەنى قالاپ تۇرسىز سونى جاساڭىز.

ءتىزىم جاساڭىز

جۇمىس ۋاقىتىندا جاساپ ۇلگەرمەگەن، ىستەپ، ۇيرەنىپ ۇلگەرمەگەن دۇنيەلەرىڭىزدىڭ ءتىزىمىن جاساڭىز. وسى جاز ءسىزدىڭ ەڭ كەرەمەت ۋاقىتىڭىز بولماق. سوندىقتان بارىنە ۇلگەرىپ قالۋعا تىرىسۋ ءۇشىن الدىمەن ءتىزىم جاساڭىز. ءبىرىنشى نەدەن باستاۋ كەرەك، سوڭىن نەمەن اياقتاۋ كەرەك ءبارىن الدىن- الا ەسەپتەپ قويىڭىز.

كەزدەسۋگە بارىڭىز

بويداق بولساڭىز جاڭا كەزدەسۋلەرگە بارىڭىز. وڭاشادا رومانتيكالىق كەش جاساڭىز. ەش سەبەپسىز كوفە ىشۋگە سۇيىكتى ادامىڭىزدى نە ۇناتىپ جۇرگەن ادامىڭىزدى شاقىرىڭىز. ەكەۋ بولىپ اڭگىمە- دۇكەن قۇرىڭىزدار.

ءار ءساتتى پايدالانىڭىز

ءبىر جاققا بارىڭىز ونىڭ تۇركيا نەمەسە دۋباي بولۋى ماڭىزدى ەمەس. باستىسى وزىڭىزگە تانىس ەمەس، تاڭسىق مەكەنگە جول الىڭىز. بارىپ كورمەگەن، ەستىپ كورمەگەن دالاعا تارتىڭىز. جاڭا جەر، جاڭا ادامدار، جاڭا قونىس ءسىزدىڭ كوڭىلىزدى سەرگىتىپ قانا قويمايدى. ويىڭىزدى وزگەرتەدى.

جاڭا دۇنيە ۇيرەنىڭىز

كۇندەلىكتى ىستەپ جۇرگەن، بىلەتىن ءبىلىمىڭىزدى ۇيدە قالدىرىڭىز. سىزگە جاڭا دۇنيەنى يگەرۋ كەرەك، ۇيرەنۋ كەرەك. ۇمتىلىڭىز!

ەڭ قاراپايىم ءتۇرى سۇيىكتى ىسىڭىزدەن ناتيجە شىعارىڭىز. ماسەلەن، گيتارا تارتىپ، دومبىرا تارتىپ نەمەسە ءان سالىپ ۇيرەنىڭىز. اكتەرلىك شەبەرلىكتى سىناپ كورىڭىز.

دەمالىس ءساتتى ءوتسىن!

Massaget.kz