زەيىندى شوعىرلاندىرۋ

نۇر-سۇلتان. قازاقپارات - ەستە ساقتاۋ قابىلەتى ناشار ەكەنىن ايتىپ شاعىمداناتىن ادام كوپ. مۇنىڭ بارلىعى ەڭ قاجەتتى اقپاراتقا زەيىندى شوعىرلاندىرىپ، قاپەرىمىزگە توقىپ الا الماۋىمىزدان.

بار نازاردى كەرەكتى مالىمەتكە بۇرۋعا ارنالعان جاتتىعۋلار بار، ورىنداپ كورىڭىز.

- كەز كەلگەن قىزىقسىز زاتتى قولعا الىپ، بار نازارىڭىزدى تەك سوعان ارناڭىز. مىسالى، قولىڭىزعا قارىنداشتى الىڭىز. بەس مينۋت بويى وسى قارىنداشقا قاراپ وتىرىڭىز. مۇقيات قاراڭىز، ول تۋرالى ويعا بەرىلىڭىز، اينالدىرىڭىز، ءار قىرىنان قاراپ شىعىڭىز، زەرتتەڭىز، قاي جەرلەردە قالاي قولدانۋعا بولاتىنىن ويلانىڭىز، ساپاسىن، ماتەريالىن، شىققان جەرىن ويلاڭىز. قارىنداشتان باسقا ەشتەڭەنى ويلاماڭىز. وسى قارىنداشتى زەرتتەۋ ومىردەگى باستى ماقساتىڭىز دەپ ويلاڭىز. بۇكىل الەمدە قارىنداش جانە ءسىز عانا، باسقا ەشكىم، ەشتەڭە جوق. نازارىڭىز باسقاعا اۋىپ كەتۋىنە جول بەرمەڭىز.

- وسى جاتتىعۋدى ءجيى قايتالاپ تۇرساڭىز بولادى، ءار كەزدە قارىنداشتان باسقا قىزىقسىز نارسەلەردى قولعا الىڭىز.

- سەكۋندتىق ءتىلى بار ساعاتتى قولىڭىزعا الىڭىز. بىرنەشە ساتكە بويىڭىزدى بوساڭسىتىپ، ويىڭىزدى جيناقتاڭىز. دايىن بولدىم دەگەن كەزدە سەكۋند تىلىمەن ويىڭىزدى جىلجىتىپ وتىرۋعا تىرىسىڭىز. ەكى مينۋت بويىنا دۇنيەدە وسى ساعات تىلىنەن وزگە تۇك جوقتاي، بار ويىڭىزدى ارناڭىز. ويىڭىز باسقا ارناعا بۇرىلىپ كەتسە دەرەۋ توقتاڭىز. جاتتىعۋدى باسىنان باستاڭىز. ەكى مينۋت بويى وسى اسەردەن شىقپاۋعا تىرىسىڭىز.

- ىدىس جۋعان كەزدە دە وسىنداي جاتتىعۋلار جاساۋعا بولادى. قاسىقتى قولىڭىزعا الىپ، ونى جۋعاندا ويشا «ستارت» دەپ ايتىڭىز. ميىڭىزدا وسى وپەراتسيانى قالاي جاسار ەدىڭىز، سونداي جىلدامدىقپەن جۋىڭىز. قاسىقتى كەپتىرەتىن ورىنعا قويىپ جاتقاندا ويشا تاعى دا «ستوپ» دەڭىز. ودان كەيىن كەلەسى ىدىستى الىپ، ءدال وسىلاي قايتالاڭىز.

Massaget.kz