09:26, 27 - شىلدە 2022 | GMT +5
رەسەي حالىقارالىق عارىش ستانسياسى جوباسىنان شىعادى
نۇر- سۇلتان. قازاقپارات - رەسەي 2024 -جىلدان كەيىن حالىقارالىق عارىش ستانسياسى جوباسىنان شىعادى، دەپ حابارلايدى «حابار 24».
بۇل ۋاقىتقا تامان كورشى ەل ءوزىنىڭ ۇلتتىق وربيتالىق ستانسياسىن قۇرا باستايدى. رەسەيلىكتەر سەرىكتەستەرى الدىنداعى بارلىق مىندەتتەمەلەر ورىندالاتىنىن جەتكىزدى.
ايتا كەتكەن ءجون، حالىقارالىق عارىش ستانسياسىنىڭ جەر ماڭايىنداعى وربيتادا جۇمىس ىستەپ تۇرعانىنا 24 جىل بولىپ قالدى. جوباعا 14 ەل قاتىسادى. رەسەيگە ونداعى 6 مودۋل تيەسىلى. مەملەكەت ستانسيادان شىعۋ ويى بارىن بىرنەشە جىلدان بەرى ايتىپ كەلەدى. وعان جابدىقتىڭ توزۋى سەبەپ. رەسەيلىكتەر بۇعان كوپ اقشا شىعىندالادى دەيدى.
