الماتى اۋەجايىندا وق اتىلدى

نۇر- سۇلتان. قازاقپارات - الماتى اۋەجايىندا ءۇش ەر ادام توبەلەس شىعاردى. ماس كۇيدە بولعان ولار پوليتسيانىڭ تالابىنا باعىنباعان.

ءتىپتى 1994 -جىلى تۋعان ەر ازامات قولىنداعى بوتەلكەسىن سىندىرىپ، پوليتسيا قىزمەتكەرىنە قاراي ۇمتىلعان.

اۋىر قىلمىستىڭ الدىن الۋ ماقساتىندا ءتارتىپ ساقشىسى ءوزىنىڭ تابەلدىك تاپانشاسىمەن اسپانعا ەسكەرتۋ رەتىندە وق اتقان. توبەلەسكە قاتىسۋشىلار ۇستالدى. ولار الماتى جانە تۇركىستان وبلىسىنىڭ تۇرعىندارى بولىپ شىقتى. ولاردىڭ ەكەۋى بۇرىن سوتتى بولعان. قازىر اتالعان ىسكە قاتىستى سوتقا دەيىنگى تەرگەۋ شارالارى باستالدى. سونىمەن قاتار پوليتسيا تابەلدىك قارۋدى قولدانۋ فاكتىسى بويىنشا قىزمەتتىك تەكسەرۋ جۇرگىزىلەتىنىن حابارلادى.

www.24.kz