08:28, 27 - شىلدە 2022 | GMT +5
جاپونيادا جابايى مايمىلدار ادامدارعا شابۋىلداپ جاتىر
توكيو. قازاقپارات - جاپون پوليتسياسى جابايى مايمىلداردىڭ ادامعا شابۋىلىن توقتاتۋ ماقساتىندا ترانكۆيليزاتورلارى بار قارۋدى قولدانا باستادى، دەپ حابارلايدى قازاقپارات BBC News-كە سىلتەمە جاساپ.
سوڭعى اپتالاردا ياماگۋچي قالاسىندا جاپون ماكاكالارىنىڭ شابۋىلىنان 42 ادام زارداپ شەكتى. ونىڭ ىشىندە بالالار مەن قارتتار دا بار. جابايى مايمىلدار ادامداردى تىستەپ، جاراقاتتايدى. ولاردى تۇزاقپەن ۇستاۋ ارەكەتتەرى ءساتسىز اياقتالىپ، پوليتسيا جانۋارلاردىڭ شابۋىلىن توقتاتا المادى.
ادامدار پاتەرلەرگە، ۇيلەرگە جانە مەكتەپكە دەيىنگى مەكەمەلەرگە پريماتتاردىڭ كىرىپ كەتكەنى تۋرالى حابارلاعان. ءبىر كەزدەرى مايمىلدىڭ وسال ءتۇرى سانالىپ كەلگەن جاپون ماكاكالارىنىڭ سانى جاقىندا ارتىپ كەتكەن.
فوتو: bbc.com
اۆتور: اياۋلىم التىنبەك
