22:57, 26 - شىلدە 2022 | GMT +6
قازاقستانعا رەسمي ساپارمەن گرۋزيا پرەمەر-ءمينيسترى كەلدى
نۇر-سۇلتان. قازاقپارات - بۇگىن كەشكە قازاقستانعا رەسمي ساپارمەن گرۋزيا ۇكىمەتىنىڭ باسشىسى يراكلي گاريباشۆيلي كەلدى، دەپ حابارلايدى قازاقپارات primeminister.kz سايتىنا سىلتەمە جاساپ.
نۇر-سۇلتان قالاسىنىڭ اۋەجايىندا ي. گاريباشۆيليدى ق ر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆ قارسى الدى.
«ەكى كۇندىك ساپار اياسىندا گرۋزيا ۇكىمەتىنىڭ باسشىسى قازاقستان باسشىلىعىمەن كەلىسسوزدەر وتكىزۋدى جوسپارلاپ وتىر. تاراپتار ەكىجاقتى ساۋدا-ەكونوميكا ىنتىماقتاستىعىن تەرەڭدەتۋ ماسەلەلەرىن تالقىلايدى. سونىمەن قاتار گرۋزيا پرەمەر-ءمينيسترى «استانا» حالىقارالىق قارجى ورتالىعىنىڭ جۇمىسىمەن تانىسادى»، - دەلىنگەن حابارلامادا.
