ەلىمىزدە زەرگەرلىك بۇيىمدار مەن ساعاتتار ءبىر جىلدا قانشا پايىز قىمباتتادى

نۇر-سۇلتان. قازاقپارات - بيىلعى جىلدىڭ ماۋسىم ايىندا قازاقستاندا زەرگەرلىك بۇيىمدار مەن ساعاتتاردىڭ باعاسى %1,8، ال ءبىر جىلدا %35,3 قىمباتتادى، دەپ حابارلايدى قازاقپارات Energyprom.kz سايتىنا سىلتەمە جاساپ.

ونىڭ ىشىندە التىن نەكە ساقينالارى جىلىنا %38,9، قول ساعاتتارى %15,2 قىمباتتادى. وڭىرلىك بولىنىستە زەرگەرلىك بۇيىمدار مەن ساعاتتاردىڭ باعاسى سولتۇستىك قازاقستان وبلىسىندا ايتارلىقتاي وسكەن - ءبىر جىلدا %61.

قىمبات باعالار «ۇشتىگىندە» الماتى وبلىسى (جىلىنا %60,6) جانە نۇر-سۇلتان (جىلىنا %52,5) قالاسى بار. بيىلعى قاڭتار-مامىر ايلارىندا زەرگەرلىك بۇيىمدار ءوندىرىسى 478,4 ميلليون تەڭگەنى قۇرادى. وتكەن جىلدىڭ سايكەس كەزەڭىندە كورسەتكىش 451,3 ميلليون تەڭگە بولعان ەدى. وڭىرلىك بولىنىستە ءوندىرىستىڭ ەڭ ۇلكەن كولەمى الماتىدا (%43,3 نەمەسە 207,3 ميلليون تەڭگە) شوعىرلانعان.

العاشقى ۇشتىك قاتارىندا نۇر-سۇلتان قالاسى مەن قاراعاندى وبلىسى بار.

جالپى، 2021-جىلى سەكتورداعى ءوندىرىس 1,6 ميلليارد تەڭگەنى قۇرادى. بۇل 2020-جىلعا قاراعاندا ەكى ەسە كوپ.