قازاقستاندا ميگرانتتاردىڭ بالالارىنا تۋۋ تۋرالى كۋالىك بەرىلەدى
بۇل تۋرالى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ەسەنعازى يمانعاليەۆ ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، قازاقستاننىڭ مەديتسينا مەكەمەلەرىندە دۇنيەگە كەلگەن ءار نارەستەگە، ياعني اناسىنىڭ مارتەبەسىنە قاراماستان، تۋۋ تۋرالى كۋالىك بەرىلەدى.
اتاپ ايتقاندا، كوشى-قون پروتسەستەرىندە بالالار قۇقىعىن قورعاۋ بويىنشا ءۇش جىلدىق باعدارلاما اياسىندا 1 مىڭنان استام جەتكىنشەك تۋۋ تۋرالى قۇجات الىپ، ولارعا ءبىلىم بەرۋ ءارى الەۋمەتتىك قىزمەتتەر بويىنشا جاعداي جاسالدى.
ە. يمانعاليەۆتىڭ پايىمىنشا، كوشى-قون پروتسەستەرىندە قامتىلعان بالالار ءۇشىن قولايلى جاعداي جاساۋ بويىنشا جۇمىستاردى جالعاستىرۋ كەرەك.
«كوشى-قون بويىنشا قامتىلعان بالالاردىڭ ماسەلەسى اكىمشىلىك پروبلەمالارعا قاتىستى بولىپ تۇر. بۇل رەتتە تۇرعىلىقتى جەرى بويىنشا تىركەلمەۋى، قازاقستاندا ەڭبەك ميگرانتى رەتىندە اتا-اناسىنىڭ مارتەبەسىنىڭ رەتتەلمەۋى، سونداي-اق ازاماتتىعىنىڭ بولماۋى ماسەلەسى بار»، - دەدى ول ورتالىق كوممۋنيكاتسيالار قىزمەتىندەگى دوڭگەلەك ۇستەل وتىرىسىندا.
