الۆارەس گولوۆكينمەن ايقاس الدىندا باپكەرىنەن باس تارتتى

نۇر-سۇلتان. قازاقپارات – مەكسيكالىق ساۋل «كانەلو» الۆارەس قازاقستاندىق گەننادي گولوۆكينمەن جەكپە-جەك الدىندا كومانداسىنداعى ەكى باپكەردى اۋىستىردى، دەپ حابارلايدى Mundo Deportivo باسىلىمى.

رەسەيلىك دميتري بيۆولدان جەڭىلىستەن كەيىن مەكسيكالىق جۇلدىزدىڭ كومانداسىندا ايتارلىقتاي وزگەرىس بولعان. ماسەلەن «كانەلونىڭ» فيزيكالىق دايىندىعى بويىنشا باپكەرى مۋنير سومويا قىزمەتىنەن كەتتى.

سونىمەن قوسا، ەددي رەينوسونىڭ وڭ قولى بولىپ جۇرگەن زامير لوزانو دا مەكسيكالىقتىڭ كومانداسىنان كەتەدى ەكەن.

گولوۆكين - الۆارەس جەكپە-جەگى 17- قىركۇيەككە جوسپارلانعان. بۇل ايقاس لاس-ۆەگاستاعى T- Mobile سپورت كەشەنىندە وتەدى.