قاراعاندىدا ەكى ادامدى ولتىرگەن كۇدىكتى ۇستالدى

قاراعاندى. قازاقپارات - قاراعاندىداعى كوپقاباتتى ۇيلەردىڭ اۋلاسىندا ەكى جىگىتتىڭ ءمايىتى تابىلدى.

كوپ ۇزاماستان پوليتسەيلەر ولاردى ولتىرگەن ەر ادامدى ۇستادى، دەپ حابارلايدى قازاقپارات ءتىلشىسى.

26- شىلدە تۇنگى ساعات 1.30 شاماسىندا قاراعاندى قالاسىنداعى كوپ قاباتتى ۇيلەردىڭ ءبىرىنىڭ اۋلاسىنان ەكى ادامنىڭ ءمايىتى تابىلدى.

وقيعا ورىنىنا بىردەن جەدەل-تەرگەۋ توبى جىبەرىلدى. پوليتسيا قىزمەتكەرلەرى بىردەن وقيعا بولعان جەردى زەرتتەپ، كۇدىكتىنى انىقتاۋ بويىنشا كەشەندى ءىس-شارالار جۇرگىزىلدى.

«جەدەل ارەكەتتەر بارىسىندا قاراعاندى قالالىق پوليتسيا باسقارماسى پاترۋلدىك پوليتسيا پولكىنىڭ قىزمەتكەرلەرى 23 جاستاعى كۇدىكتىنى انىقتاپ، ۇستادى. ول جابىرلەنۋشىلەرمەن كەلىسپۋشىلىك بارىسىندا پىشاق جاراقاتىن سالعانى تۋرالى مويىنداۋ كورسەتپە بەلگىلەرىن بەردى. قىلمىس قۇرالى تاركىلەندى. اتالعان فاكتى بويىنشا قىلمىستىق كودەكستىڭ 99-بابى 2-تارماعىنا سايكەس قىلمىستىق ءىس قوزعالدى. پوليتسيا قىزمەتكەرلەرى جابىرلەنۋشىلەردىڭ جەكە باسىن انىقتادى. ولار - 18 جانە 20 جاستاعى ازاماتتار. قازىرگى ۋاقىتتا تەرگەۋ امالدارى جۇرگىزىلۋدە»، - دەپ حابارلادى قاراعاندى وبلىستىق پوليتسيا دەپارتامەنتى باستىعىنىڭ ورىنباسارى ءابىل ءابىلدين.