كانادادان تابىلعان قىزىل تۋ وردەنىنىڭ يەسىن قازاقستاننان ىزدەپ جاتىر
«مايدان جولى» ىزدەۋ جاساعىنا «191-اتقىشتار ديۆيزياسىنىڭ قايتا قۇراستىرۋشىلار روتاسى» قوعامدىق ۇيىمى حابارلاسقان. ولار ۇلى وتان سوعىسىنا قاتىسۋشىلار ناگرادتالعان جاۋىنگەرلىك مەدالدار مەن وردەندەردىڭ كانادادا ساتىپ الىنعانىن جەتكىزگەن. ەندى ولاردى يەسىنە قايتا تابىستاۋ ءۇشىن ارداگەرلەردىڭ تۋىستارىن ىزدەپ تابۋعا كومەك سۇراعان»، - دەپ حابارلادى تىلشىلەرگە «مايدان جولى» ىزدەۋ جاساعىنىڭ كومانديرى الەكساندر شيتوۆ.
ونىڭ ايتۋىنشا، ماراپاتتاردىڭ ءبىرى - 1903-جىلى دۇنيەگە كەلگەن بوچاروۆ يۆان فەدوروۆيچكە تيەسىلى قىزىل تۋ وردەنى.
ول ستالينگراد وبلىسىنىڭ ۋريۋپينسك قالاسىندا تۋىپ-وسكەن، ستالينگرادتا سوعىسقان.
«سوعىستان كەيىن ول وڭتۇستىك قازاقستان وبلىسىنىڭ ءشاۋىلدىر اۋىلىندا اۋداندىق اسكەري كوميسسار بولىپ قىزمەت ەتتى. سوندىقتان قازاقستاندا تۋىستارى تۇرۋى مۇمكىن. جاناشىر جانداردان مايدانگەردىڭ تۋىستارىن ىزدەۋگە كومەك بەرۋىن سۇرايمىز، ءبىز وردەندى وتباسىنا قايتارعىمىز كەلەدى»، - دەپ حابارلادى جاساقتان.
سوعىسقا قاتىسۋشىنىڭ قازاقستاندا تۇراتىن تۋىستارىمەن بارلىق ماسەلەلەر بويىنشا بايلانىسۋ ءۇشىن مىنا مەكەنجايعا حابارلاسۋعا بولادى:
پاۆلودارداعى «مايدان جولى» ىزدەۋ-زەرتتەۋ ءبولىمى، تەل. 87774617378؛ E-mail: alex.shitov@mail.ru.
