تۇرمىستىق حيميا بۇيىمدارى قىمباتتاي ما - باقىت سۇلتانوۆ جاۋاپ بەردى
ورتالىق كوممۋنيكاتسيالار قىزمەتىندە وتكەن بريفينگتە جۋرناليست مينيستردەن: «كەي ساراپشىلار قازاقستاندا تۇرمىستىق حيميا مەن گيگيەنا بۇيىمدارىنىڭ قىمباتتاپ، جەتىستپەيتىنىن ايتىپ وتىر. وسىنداي تاپشىلىققا تاپ كەلىپ وتىرمىز با؟ ونىڭ الدىن الۋ ءۇشىن نە ىستەلىپ جاتىر؟»، - دەپ سۇرادى.
«ءسىز ايتىپ وتىرعان ساراپتاما زەرتتەۋلەرى ءتۇرلى سيپاتتا بولۋى مۇمكىن. جالپى ايتساق، قازىرگى تاڭدا لوگيستيكا وزگەرىپ جاتىر. مۇنىڭ تەك ازىق-تۇلىك تاۋارىنا عانا ەمەس، تۇتىنۋ تاۋارىنا دا قاتىسى بار. ءبىراق گيگەنا بۇيىمدارىنا بايلانىستى قانداي دا ءبىر پروبلەما كورىپ تۇرعان جوقپىز»، - دەدى باقىت سۇلتانوۆ ب ا ق وكىلىنىڭ سۇراعىنا بەرگەن جاۋابىندا.
ونىڭ ايتۋىنشا، اتالعان تاۋاردىڭ نەگىزگى بولىگى سىرتتان الىناتىندىقتان، تەڭگەرىم ساقتاۋ دەيتىن ماسەلە جوق كورىنەدى.
«مىسالى، قانتقا قاتىستى جاعدايدا بىزگە ءوزىمىزدىڭ وندىرۋشىلەردىڭ ۇسىنىسى مەن يمپورتتىڭ اراسىندا تەڭگەرىم ساقتاۋ كەرەك ەدى. ال گيگيەنا زاتتارى نەگىزىنەن سىرتتان اكەلىنەدى. ول كانالداردى ەرتە باستان قايتا قارادىق، جەتكىزۋ گەوگرافياسى وزگەرىپ ۇلگەرگەن. بۇل جەردە ءبىز تاپشىلىققا اكەلەتىندەي قانداي دا ءبىر پروبلەما كورىپ وتىرعان جوقپىز»، - دەدى باقىت سۇلتانوۆ.
ايتا كەتەيىك، ورتالىق كوممۋنيكاتسيالار قىزمەتىندە ءوتىپ جاتقان بريفينگتە ق ر پرەمەر- ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆ پەن اۋىل شارۋاشىلىعى ءمينيسترى ەربول قاراشوكەيەۆ قانتتى قانشالىقتى ءجيى قولداناتىنىن ايتتى.
