اتىراۋدا جالعا الىنعان پاتەردەن ەرلى-زايىپتىلاردىڭ ءمايىتى تابىلدى
پاتەردى ءبىر اي بۇرىن جالعا بەرىلگەنى انىقتالدى، دەپ حابارلايدى قازاقپارات.
اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 25-شىلدە كۇنى ساعات 19:30 شاماسىندا 64 جاستاعى تۇرعىن پوليتسياعا شاعىم تۇسىرگەن.
«اتىراۋ قالاسىنىڭ تۇرعىنى 1992 -جىلى تۋعان قىزىنىڭ پاتەر ەسىگىن اشپاي جاتقانىن جەتكىزىپ، مەكەنجايىن ايتقان. كورسەتىلگەن مەكەنجايداعى ىشىنەن كىلتتەۋلى تۇرعان پاتەردىڭ ەسىگىن اشۋ ءۇشىن وبلىستىق توتەنشە جاعدايلار دەپارتامەنتىنىڭ قىزمەتكەرلەرى شاقىرىلدى. سول كەزدە پاتەردىڭ ىشىنەن 1992 -جىلعى ايەل مەن 1996 -جىلعى ەر ادامنىڭ مۇردەسى تابىلدى»، - دەپ حابارلادى پوليتسيا دەپارتامەنتىنىڭ باسپا ءسوز قىزمەتى.
قازىر پوليتسيا قىزمەتكەرلەرى اتالعان دەرەككە قاتىستى ق ر قىلمىستىق كودەكستىڭ 99-بابىنىڭ 1-بولىگىمەن تەرگەۋ امالىن جۇرگىزۋدى باستادى. قايتىس بولعانداردىڭ ەرلى- زايىپتى ەكەنى انىقتالدى. ەرلى-زايىپتىلاردىڭ ورتاق ءتورت بالاسى بار. اتالعان پاتەردى 1992 -جىلعى ايەل ءبىر اي بۇرىن جالعا العان.
