حالىققا قىزمەت كورسەتۋ ورتالىعىنان ءتولقۇجات پەن جەكە كۋالىكتى قالاي تەز الۋعا بولادى

نۇر-سۇلتان. قازاقپارات - جاز مەزگىلىندە قازاقستاننىڭ حالىققا قىزمەت كورسەتۋ ورتالىعىندا جەكە كۋالىك پەن ءتولقۇجاتتى رەسىمدەۋ ءۇشىن ءوتىنىش بىلدىرەتىن كليەنتتەر سانى ارتادى، دەپ حابارلايدى قازاقپارات.

ازاماتتارعا ارنالعان ۇكىمەت كورپوراتسياسىنىڭ مالىمەتىنشە، 2022 -جىلدىڭ التى ايىندا قازاقستاندىقتارعا 1 353 590 جەكە كۋالىك پەن پاسپورت بەرىلدى. راسىمدەلگەن قۇجاتتاردىڭ ەڭ كوبى ماۋسىم ايىندا تىركەلگەن، سانى - 266668.

«وسى رەتتە حالىققا قىزمەت كورسەتۋ ورتالىعىنا ءتولقۇجات پەن جەكە كۋالىكتى ىڭعايلى ءارى جىلدام جولمەن قالاي الۋعا بولاتىنىن ايتقىمىز كەلەدى. پاسپورت پەن جەكە كۋالىكتى الۋ قىزمەتى ءالى ونلاين رەجيمىندە قولجەتىمدى بولماي تۇر. بۇل قۇجاتتاردى راسىمدەۋ ءۇشىن مىندەتتى تۇردە حالىققا قىزمەت كورسەتۋ ورتالىعى- عا جۇگىنۋ قاجەت. دەسە دە، قىزمەت ەكساۋماقتىلىق قاعيداتى بويىنشا كورسەتىلەدى - ءوزىڭىزدىڭ تىركەلگەن مەكەنجايىڭىزعا قاراماستان، كەز كەلگەن حالىققا قىزمەت كورسەتۋ ورتالىعى- عا بارا الاسىز»، - دەپ جازدى ۆەدومستۆودان.

حالىققا قىزمەت كورسەتۋ ورتالىعىندا جەكە كۋالىك پەن پاسپورتتى رەسىمدەۋ بويىنشا وپەراتسيانى كوشى- قون قىزمەتى كورسەتەدى. ەگەر ءتولقۇجات الۋ ءۇشىن ءبىرىنشى رەت كەلىپ تۇرساڭىز، سىزگە تەك جەكە كۋالىك قاجەت بولادى. ەگەر ءسىزدىڭ ءتولقۇجاتىڭىزدىڭ مەرزىمى اياقتالسا، ونى مەرزىمى اياقتالعانعا دەيىن 1-2 اي بۇرىن اۋىستىرا الاسىز. ءتولقۇجاتتىڭ مەرزىمى اياقتالعاننان كەيىن جاڭا ءتولقۇجات الۋ ءۇشىن ءوتىنىش بىلدىرسەڭىز، كەشىكتىرگەنىڭىز ءۇشىن ايىپپۇل قاراستىرىلمايدى.

«ءتولقۇجات ءۇشىن مەملەكەتتىك باج - 8 ا ە ك (2022 -جىلدىڭ 1-قاڭتارىندا بەلگىلەنگەن ا ە ك) نەمەسە 24504 تەڭگە. قىزمەت كورسەتۋدىڭ ستاندارتتى مەرزىمى - 15 جۇمىس كۇنى. الايدا، قوسىمشا تولەم جاساۋ ارقىلى بۇل پروتسەستى جەدەلدەتۋگە بولادى. نۇر- سۇلتان، الماتى، شىمكەنت جانە اقتوبە تۇرعىندارى پروتسەستى وسى ءادىس بويىنشا ءۇش كۇننەن ءبىر جۇمىس كۇنىنە دەيىن قىسقارتا الادى: 1 جەدەلدىلىك ساناتى - 1 جۇمىس كۇنىنە دەيىن - 4983 تەڭگە؛ 2 جەدەلدىلىك ساناتى - 3 جۇمىس كۇنىنە دەيىن - 2 752 تەڭگە. وبلىس ورتالىقتارى ءۇشىن باسقا ءادىس قاراستىرىلعان: 1 جەدەلدىلىك ساناتى - 3 جۇمىس كۇنىنە دەيىن - 4983 تەڭگە؛ 2 جەدەلدىلىك ساناتى - 5 جۇمىس كۇنىنە دەيىن - 2752 تەڭگە»، - دەلىنگەن حابارلامادا.

ال اۋداندار مەن وبلىستارداعى قالالار ءۇشىن تەك ءۇشىنشى سانات قولجەتىمدى: 1 116 تەڭگە قوسىمشا تولەم ارقىلى 7 جۇمىس كۇنىنە دەيىن جەدەلدەتە الادى. بالانىڭ ءتولقۇجاتىن راسىمدەۋ كەزىندە ونىڭ تۋۋ تۋرالى كۋالىگىن ۇسىنىپ، باج سالىعىن تولەۋ قاجەت. قىزمەتكە ءوتىنىش ءبىلدىرۋ ءۇشىن بالانىڭ اتا- اناسىنىڭ ءبىرى كەلۋى مىندەتتى.

«ق ر ازاماتتارى جەكە كۋالىكتى 16 جاسقا تولعان كەزدە الادى. وسى جاسقا جەتكەن كەزدە قۇجاتتى ءبىر اي ىشىندە راسىمدەۋ كەرەك، ايتپەسە 7 ا ە ك نەمەسە 21441 تەڭگە ايىپپۇل تولەۋ كەرەك بولادى. سونىمەن قاتار، ەگەر مەرزىمى اياقتالعان جەكە كۋالىك ءبىر اي ىشىندە جاڭارتىلماسا، ءدال وسى مولشەردەگى ايىپپۇل قاراستىرىلعان. ەگەر ايىپپۇلدى ءبىر اپتا ىشىندە تولەيتىن بولساڭىز، وندا سومما 50 پايىزعا تومەندەيدى. ەگەر سىزدە پاسپورت بار بولسا، جەكە كۋالىكتى راسىمدەۋ ءۇشىن ونى دا وزىڭىزبەن بىرگە الىپ كەلۋ كەرەك. بۇل رەتتە جەكە كۋالىك ءۇشىن مەملەكەتتىك باج 0,2 ا ە ك نەمەسە 613 تەڭگە بولادى»، - دەپ جازدى ازاماتتارعا ارنالعان ۇكىمەتتەن.

قىزمەتتى تولقۇجاتپەن بىردەي ءادىس بويىنشا جەدەلدەتۋگە بولادى. سونىمەن قاتار، جەكە كۋالىك پەن ءتولقۇجات ءۇشىن مەملەكەتتىك باج سالىعىن تولەۋدەن بوساتىلعان كليەنتتەردىڭ جەڭىلدەتىلگەن ساناتى بار ەكەنىن ەسكەرتەمىز. ولار:

• ۇ و س ارداگەرلەرى جانە ولارعا تەڭەستىرىلگەن تۇلعالار؛

• كەڭەس وداعىنىڭ باتىرلارى جانە سوتسياليستىك ەڭبەك ەرلەرى؛

• بارلىق توپتاعى مۇگەدەكتەر، سونداي-اق بالا كەزىنەن مۇگەدەك بولعان كليەنتتىڭ اتا- اناسىنىڭ ءبىرى؛ • قارتتار مەن مۇگەدەكتەرگە ارنالعان مەكەمەلەردە تۇراتىن ەگدە جاستاعى ادامدار؛

• جەتىم بالالار جانە بالالار ۇيلەرىندە نەمەسە ينتەرناتتاردا تۇراتىن اتا- اناسىنىڭ قامقورلىعىنسىز قالعان بالالار؛

• «باتىر انا» اتاعى بار، «التىن القا» جانە «كۇمىس القا» توسبەلگىلەرىمەن ناگرادتالعان كوپبالالى انالار؛

• چەرنوبىل اپاتىنىڭ سالدارىنان زارداپ شەككەن ازاماتتار.