بالالار اراسىندا گەپاتيتتىڭ ورشۋىنە نە سەبەپ بولعانى انىقتالدى
ولار جۇرگىزگەن زەرتتەۋ قورىتىندىسىنا سايكەس، Covid-19 پاندەمياسى باستالعالى گەپاتيتتىڭ كەڭ تاراعان ەكى ۆيرۋسىنا شالدىعۋ جاعدايلارى سيرەك كەزدەسىپ، كوپتەگەن ەلدەردە ەنگىزىلگەن قاتاڭ شەكتەۋ شارالارى الىنعان سوڭ وقشاۋلاۋ كەزىندە السىرەگەن يممۋنيتەتكە «شابۋىل» جاساپ، بالالار مەكەمەلەرىندە بەلسەندى تارالا باستاعان.
ۆيرۋس سالدارىنان 35 ەلدەگى 1000-نان استام بالا گەپاتيتكە شالدىقتى. ناۋقاستاردىڭ كوبى - بەس جاسقا تولماعان بالالار. ولاردىڭ كەيبىرەۋلەرىندە ينفەكتسيانىڭ اۋىر بولعانى سونشالىق، بالانى قۇتقارۋدىڭ جالعىز جولى - اۋرۋدان زارداپ شەككەن ورگاننىڭ ترانسپلانتاتسياسى بولدى. ۇلىبريتانيانىڭ وزىندە عانا گەپاتيتكە شالدىققان 12 بالاعا باۋىر ترانسپلانتاتسياسى وتاسى جاسالدى. لوندون مەن گلازگوداعى زەرتتەۋشىلەردىڭ ەكى توبى كوروناۆيرۋس كەزىندەگى شەكتەۋلەرگە بايلانىستى ەكى جىل بويى قۇرداستارىمەن بايلانىسا الماعان بالالار كەيىنىرەك ادەتتە نارەستە كەزىندە قالىپتاساتىن يممۋنيتەتتىڭ بولماۋىنان ەكى ينفەكتسياعا تاپ بولعان دەگەن قورىتىندىعا كەلدى. سالقىن تيۋ مەن اسقازاننىڭ بۇزىلۋىن تۋدىراتىن ادەنوۆيرۋس (AAV2) ادەتتە اۋرۋدى وزدىگىنەن تۋدىرمايدى، ويتكەنى ونىڭ جاسۋشالارىنىڭ كوبەيۋى تەك ءبىر ۋاقىتتا «كومەكشى» ادەنوۆيرۋستى جۇقتىرعان جاعدايدا عانا پايدا بولادى.
عالىمداردىڭ ايتۋىنشا، بۇل كەيبىر بالالاردا باۋىر اۋرۋىنىڭ نەلىكتەن اسقىنعانىن ءتۇسىندىرىپ وتىر.
اۆتور: زارينا تۋعانباي
