اتاقتى ارالدان تۋريستەردى شۇعىل ەۆاكۋاتسيالاي باستادى

نۇر-سۇلتان. قازاقپارات - جۇزدەگەن تۋريست پەن جەرگىلىكتى تۇرعىندار اتاقتى گرەك ارالى - لەسبوس كۋرورتىنان ەۆاكۋاتسيالاۋعا ءماجبۇر بولدى.

گرەكيانى باسىپ وزعان «جىلۋ تولقىنى» ونىڭ كۋرورتتارىنا ورمان ورتتەرىن الىپ كەلدى. ولار كۋرورتتىق ايماقتارعا تەز جەتىپ، تۋريستەرگە ءقاۋىپ توندىرە باستادى، - دەپ حابارلايدى Kaz.tengritravel.kz پورتالى Tourprom سايتىنا سىلتەمە جاساپ.

جەرگىلىكتى ب ا ق- تىڭ مالىمەتىنشە، سەنبى كەشكە ۇلكەن ورمان ءورتى ۆاتەرا جاعاجاي كۋرورتىنا جاقىندادى. عيماراتتاردان بىرنەشە مەتر قاشىقتىقتا جالىن شىقتى، تۋريستەر مەن تۇرعىندار قاشۋعا ءماجبۇر بولدى. ۆاتەرا مەرياسى پروفيلاكتيكالىق ەۆاكۋاتسيانى وتكىزۋدى بۇيىردى. 450 ادام ەكى قوناقۇيدەن جانە جۇزگە جۋىق ۇيدەن شىعارىلدى، توعىز ادام تىكەلەي جاعاجايدان، ونىڭ ىشىندە شەتەلدىك بەس ازامات ەۆاكۋاتسيالاندى.

جالىن ەكى ءۇيدى قيراتتى. قۇرباندار تۋرالى ءالى حابارلانعان جوق. ءورت ءسوندىرۋ بولىمشەلەرى كۇشەيتىلدى، ءورت ءسوندىرۋ جالعاسىپ جاتىر.

گرەكيادا تەك سەنبى كۇنى ەلدىڭ ءارتۇرلى ايماعىندا 53 ءورت تىركەلدى.