اۋە كومپانياسىنىڭ قىزمەتكەرلەرى ەرەۋىلگە شىقپاق
بۇل جازعى كەزەڭدە اۋە كومپانيا جولاۋشىلارى ءۇشىن قيىندىق تۋدىرارى ءسوزسىز، دەپ حابارلايدى قازاقپارات مەنشىكتى ءتىلشىسى.
ەۋروپالىق ب ا ق مالىمەتىنشە، Ver.di2 كاسىپوداعىنا مۇشە اۋە كومپانيانىڭ 20 مىڭ قىزمەتكەرى سارسەنبى 03:45-تەن (27-شىلدە) بەيسەنبى ساعات 6-عا دەيىن (28-شىلدە) ەرەۋىلگە شىعادى. كاسىپوداق وسى اپتاداعى ەرەۋىل فرانكفۋرت، ديۋسسەلدورف، كەلن، گامبۋرگ، ميۋنحەن جانە بەرلين قالالارىنداعى اۋەجايلاردى قوسا العاندا، بارلىق Lufthansa بازالارىندا وتەتىنىن، سالدارىنان «رەيستەر توقتايتىنىن جانە كەشىگەتىنىن» راستادى.
Ver.di كاسىپوداعى ءوز مۇشەلەرىنىڭ جالاقىسىن %9,5 ارتتىرۋدى تالاپ ەتىپ وتىر جانە تامىز ايىندا Lufthansa باسشىلىعىمەن كەلىسسوزدەر الدىندا «ەسكەرتۋ ەرەۋىلىن» وتكىزبەكشى.
«گەرمانيا اۋەجايىنداعى جاعداي قىزمەتكەرلەر ءۇشىن دە، جولاۋشىلار ءۇشىن دە بىرنەشە كۇننەن بەرى قيىن بولىپ جاتىر. ءبىراق جولاۋشىلاردىڭ ۇزاق كۇتەتىنىنە، رەيستەردىڭ توقتاتىلىپ نەمەسە كەيىنگە شەگەرىلىپ جاتقانىنا، جۇكتەردىڭ جوعالىپ جاتقانىنا قىزمەتكەرلەر كىنالى ەمەس»، - دەلىنگەن كاسىپوداق مالىمدەمەسىندە.
Lufthansa اۋە كومپانياسى ءبىر كۇندىك ەرەۋىلدى «نەگىزسىز» دەپ اتاپ، جولاۋشىلار ءۇشىن «بوس اۋرەشىلىك» ەكەنىن مالىمدەدى.
«كەلىسسوزدەر وتكەننەن كەيىنگى ەكىنشى كۇنى Ver.di2 ەرەۋىل تۋرالى مالىمدەدى. ونىڭ بارلىق جەردە وتەتىنىنە جانە ۇزاقتىعىنا قاراپ، ەسكەرتۋ سيپاتىنداعى ەرەۋىل بولادى دەپ ايتۋعا كەلمەيدى»، - دەدى Lufthansa كومپانياسىنىڭ پەرسونال جونىندەگى ديرەكتور ى مايكل نيگگەمان.
